Urkunde Nr. 1078 aus Band II

Seite im UB:

472-473

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

1078

Klausenburg 1377 Juni 18 König Ludwig I. bezeugt den Verlauf der Hattertgrenzen zwischen Thorenburg und Ajton.

Lodouicus dei gratia rex Hungariae, Poloniae, Dalmaciae et cetera memoriae commendantes tenore praesentium significamus quibus expedit universis, quod fideles barones nostri videlicet venerabilis in Christo pater dominus Demetrius episcopus Zagrabiensis aulae nostrae cancellarius et magnificus vir dominus Nicolaus de Zeech regni nostri Croaciae banus, quorum fidei et fidelitati in cunctis nostris et regni nostri negotiis plenarie [S. 473] confidentes per nostram maiestatem pro nonnullis factis reformandis et dirimendis causis incolarum nostrorum partis Transsiluanae necnon iura nostra regalia a iuribus ecclesiarum et nobilium ac iura nobilium et ecclesiarum a iuribus nostris regalibus metaliter destinguendum et sequestrandum ad easdem partes Transsiluanas mature deliberando cum mera nostra regia auctoritate transmissi ad rectificandum et erigendum metas cuiusdam particulae terrae inter civitatem nostram Tordensem ab una et possessionem nobilium de Ohtun parte ab altera litigiose habitae, prout per eosdem barones nostros informamur, personaliter accedendo et eandem terram reambulassent per suas veras metas et antiquas novas etiam ubi necesse fuisset erigendo, reambulatamque et ab aliorum iuribus possessionariis ut praemittitur distinctam statuissent civibus et hospitibus nostris de Torda possidendam, cuius quidem terrae litigiosae metarum cursus hoc ordine distinguuntur. Primo a parte occidentali in descensu cuiusdam monticuli secus viam de dicta Torda versus possessionem Ohtun vocatam Agyagas dictam tendentem duas metas terreas antiquas reperissent, circa quas unam metam novam erexissent, quarum una distingueret possessioni¹⁾ Chaan, alia Ohtun et tertia civitati nostrae Torda praedictae, abhinc per eandem partem iuxta meatum Soospatak dictum versus orientem transeundo post sese contigue quatuor metas cursuales reperissent, abinde paulisper pergendo usque ad clausuram paludis Sosreth nuncupati ex inferiori parte ipsius clausurae unam metam terream invenissent, penes quam aliam metam novam elevassent, abhinc ipsum Sospatak transsaliendo ad partem meridionalem, ibidem circa eandem clausuram unam metam terream reperissent, penes quam aliam novam metam erexissent, abhinc per modicum spatium quasi in radice montis ad orientem pergendo unam metam terream, deinde transeundo usque quendam puteum Chukkutha vocatum unam metam terream, deinde perveniendo ad quoddam parvum berch prope paludem rotundam duas metas terreas, abhinc directe quasi inter orientem et meridiem modicum ad montem ascendendo post sese contigue duas metas terreas, abhinc ulterius ascendendo ad berch ipsius montis inter duas stratas magnas de dicta Torda ad salifodinas de Colus tendentes duas metas terreas de novo erexissent, deinde per easdem vias versus eandem Kolus in modico spatio venissent ad unam metam terream, adhuc ulterius perveniendo a dextra parte ipsarum viarum pervenissent ad unam metam terream, abhinc aliquantulum per easdem vias procedendo a sinistra parte earundem unam metam terream invenissent, deinde ulterius in modico spatio quasi declinando ad septentrionem tres metas terreas invenissent, quarum una separat possessionibus Bos alia Ohtun et tertia civitati nostrae Tordensi praenotatis, et ibi metae inter dictas civitatem nostram Torda et inter possessiones nobilium praedictorum terminarentur. Datum in Cluswar, feria quinta proxima ante festum nativitatis beati Johannis baptistae, anno domini millesimo CCC^mo LXX^mo septimo. Praesentes autem in formam nostri privilegii redigi faciemus, dum nobis fuerint reportatae. Datum ut supra. [S. 474]


1) Vorlage: possessionem.^{^}