Urkunde Nr. 1070 aus Band II

Seite im UB:

460-461 ^a)

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

1070

Klausenburg 1377 Mai 9 König Ludwig I. erlässt zu Gunsten der Klausenburger eine Verordnung, betreffend die ihnen hinsichtlich ihrer Sachen und Waaren in ganz Siebenbürgen zustehende Freiheit von Abgaben. [S. 461]

Lodouicus dei gratia rex Hungariae, Poloniae, Dalmaciae et cetera fidelibus suis vaivodae vel vicevaivodae Transsiluano comitibusque, castellanis et officialibus eorundem universis nunc et pro tempore ubique in dictis partibus Transsiluanis constitutis nobilibusque et ecclesiarum rectoribus possessionatisque ac aliis cuiusvis conditionis hominibus in eisdem partibus Transsiluanis ubique tributa habentibus et eorum tributariis seu officialibus quibus praesentes ostenduntur specialiter autem episcopo ecclesiae Transsiluanae salutem et gratiam. Cum privilegiata libertas fidelium civium nostrorum de Closwar per pios progenitores nostros eis ob fidelitatis eorum sinceritatem mediantibus literis suis privilegialibus coram nobis in specie exhibitis gratiose concessa id requirat, ut iidem de rebus ipsorum et mercibus universis in tota terra Transsiluana tributum aliquod solvere non teneantur, nos siquidem eosdem cives nostros de Cluswar in praemissa libertatis eorum praerogativa illaese conservare volentes¹⁾ fidelitati vestrae et cuiuslibet vestrorum firmis damus in praeceptis, quatenus de rebus et mercibus dictorum civium nostrorum de Cluswar, dum iidem vel aliquis ex eisdem ad loca tributorum nostrorum et vestrorum pervenerit, nullum tributum nullamque tributariam exactionem recipere vel exigi facere praesuraatis, immo eosdem cum rebus ipsorum et mercimoniis quibuslibet semper et ubique in eundo et redeundo de locis dictorum tributorum nostrorum et vestrorum libere et absque omni tributaria solutione transire permittentes auxilium vestrum et iuvamen in locis et temporibus necessariis potius eisdem impendere debeatis, aliud sicut nos graviter offendere formidatis facere non ausuri. Datum in Cluswar praedicta, Sabbato proximo post festum ascensionis domini, anno eiusdem M^mo CCC^mo LXX^mo septimo.


a) Seitenumbruch nach Kopfregest.^{^}

1) Vorlage: valentes.^{^}