Urkunde Nr. 1061 aus Band II

Seite im UB:

454-455

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. I (Inventar 25), Nr. 35.

Druckvorlage:

nach Original

Abdruck als:

Volltext

Sprache:

Latein

---

1061

1377 Januar 18 Das Weissenburger Kapitel beglaubigt für die Sachsen der sieben Stühle die Urkunde des Königs Ludwig I. von 1370 Nr. »959, betreffend die Befreiung von Leistungen für die Feste Landskron.

Capitulum ecclesiae Transsiluanae omnibus Christi fidelibus praesens scriptum inspecturis salutem in omnium salvatore. Ad universorum notitiam tam¹⁾ praesentium quam futurorum harum serie volumus pervenire, quod Ffridricus civis de Cybinio, magister Siffridus notarius septem sedium, Nicolaus dictus Vrhan de Heltha, Mathyas dictus Pezel de insula Christiani et Stephanus Hylger dictus de Hanbah villici ac comes Petrus de Sebus et Nicolaus Wechel civis de eadem ad nostram personaliter veniendo praesentiam in personis universorum Saxonum septem sedium praedictarum exhibuerunt nobis quasdam literas privilegiales serenissimi principis domini Lodouici dei gratia illustris regis Hungariae domini nostri tenoris infra scripti supplicantes nobis nominibus eorundem Saxonum humili precum cum instantia, ut easdem literas privilegiales in formam literarum nostrarum privilegialium de verbo ad verbum transsumi et redigi sigilloque nostro authentico communiri facere dignaremur pro eisdem ad cautelam. Quarum tenor per omnia talis est. (Folgt die Urkunde des Königs Ludwig I. von 1370 Nr. »959.) Nos itaque iustis et legitimis petitionibus praedicti Ffridrici civis de Cybinio ac sociorum suorum praenominatorum annuentes praedictas literas de verbo ad verbum praesentibus inseri et redigi pendentisque et authentici sigilli nostri munimine roborari fecimus pro eisdem ad cautelam. Datum die dominico [S. 455] proximo ante festum beatorum Ffabiani et Sebastiani martyrum, anno domini M^o CCC^o LXX^o septimo. Discretis viris Ladislao praeposito doctore decretorum, Johanne cantore, Petro custode et decano canonicis ecclesiae nostrae praedictae existentibus.


1) ta auf Rasur. ^{^}