Urkunde Nr. 1016 aus Band II

Seite im UB:

411-412

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1016

Wissegrad 1373 Oktober 25 König Ludwig I. verbietet Demetrius, dem Bischof von Siebenbürgen, von den Klausenburgern die Abgabe des Tributum montanum zu erheben, und befiehlt ihm gleichzeitig die Rückstellung von drei auf Rechnung dieser Abgabe beschlagnahmten Stück Tuch an.

Lodowicus dei gratia Hungariae, Poloniae, Dalmaciae et cetera fideli suo venerabili in Christo patri domino Demetrio episcopo ecclesiae Transsiluanae salutem et gratiam. Noveritis quod iudex, iurati cives ac hospites nostri de Cluswar missis ad nostri praesentiam certis eorum concivibus et nunciis nobis significarunt cum querela, quod vos quadam novitate super ipsos inducta de vineis eorum in territorio possessionis ecclesiae vestrae de Fenes vocatae et aliarum situatis tributum montanum recipere et exigi facere velletis, occasione cuius tres pecias panni ipsorum auferri fecissetis, cum tamen ipsi numquam alias huiusmodi tributum montanum de vineis ipsorum praefatis praedecessoribus vestris et tandem vobis persolvissent nec ad solutionem ipsius fuissent astricti. Et quia nos iam dictos cives et hospites nostros in eorum antiquis libertatibus et consuetudinibus velimus immutabiliter conservare, fidelitati igitur vestrae firmissime praecipimus omnino volentes, quatenus restitutis dictis tribus peciis panni modo praemisso ablatis eosdem cives et hospites nostros contra ipsorum libertatem et consuetudinem antiquam [S. 412] nequaquam ad solutionem praefati tributi montani compellatis vobis faciendam, immo non inducatis super ipsos abusiones et novitates modo aliquali. Aliud nostrae gratiae intuitu non facturi. Praesentes autem post lecturam reddi iubemus praesentanti, quas dum ad nostram cancellariam magnam fuerint reportatae, sub magno nostro sigillo faciemus emanari. Datum in Wissegrad, feria tertia proxima ante festum beatorum Symonis et Judae apostolorum, anno domini M^mo CCC^mo LXX^mo tertio.