Urkunde Nr. 1012 aus Band II

Seite im UB:

407-408

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1012

Wissegrad 1373 September 25 König Ludwig I. verleiht Elleus, Nikolaus, Ellek und Ladislaus, den Söhnen Stephans von Toroczko, und Genossen für den Bereich ihrer Besitzungen die Gerichtsbarkeit über Diebe, Räuber und Brandstifter.

[S. 408] Nos Lodouicus dei gratia rex Hungariae, Poloniae, Dalmaciae et cetera significamus tenore praesentium quibus expedit universis, quod quia magistri Elleus, Nicolaus et Ellek ac Ladislaus filii Stephani filii Elleus de Torozkw terrae nostrae Transsiluanae nobis et sanctae nostrae coronae famulatus exhibuerunt multiplices et fideles, quos semper continuant pronis actibus indesinenter, igitur nos eisdem filiis Stephani necnon Andreae et Nicolao filiis Akus ac Andreae filio Gregorii fratribus ipsorum patruelibus de plenitudine regiae nostrae potestatis et gratia speciali gratiose duximus annuendum, ut ipsi in filios filiorum suorum heredumque per heredes fures, latrones, domorum seu tectorum aedificiorum crematores et alios quoslibet malefactores vel malignos homines, quos ipsi in possessionibus suis ubicumque habitis praesentibus scilicet et futuris aut in terris earundem intra metas eorum adiacentibus in publico maleficio apprehendere poterunt, ipsos per se vel per suos homines capiendi, iudicandi, suspendendi, decapitandi, dimembrandi, mutilandi et aliis poenis debitis plectendi, erectis in huiusmodi possessionibus ipsorum ubi eis videbitur lignis patibuli et aliis tormentorum ingeniis liberam perpetuis temporibus habeant et securam ex praesenti annuentia nostra facultatem harum testimonio nostrarum literarum prout etiam praemissam gratiam vigore aliarum literarum nostrarum secretiori nostro sigillo consignatarum eisdem concessisse noscimur et annuisse. Datum in Wissegrad, die dominico proximo ante festum beati Mychaelis archangeli, anno domini M^o. CCC^o. LXX^mo tertio.