Urkunde Nr. 972 aus Band II

Seite im UB:

369-370

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U.I (Inventar 25), Nr. 24.

Druckvorlage:

nach Original

Abdruck als:

Volltext

Sprache:

Latein

---

972

Diósgyőr 1371 November 18 König Ludwig I. verleiht den Hermannstädtern für ihren Handel in Polen das Recht auf die den Kaufleuten von Krakau, Kaschau und Leutschau zustehenden Freiheiten.

[S. 370] Nos Lodouicus dei gratia rex Hungariae, Poloniae, Dalmaciae et cetera memoriae commendantes tenore praesentium significamus universis, quod comes Michael dictus Schoder et Johannes dictus Koh cives de civitate nostra Cibiniensi Transiluana in suis ac universorum civium et hospitum de eadem Cybinio serenitatis nostrae praesentiam adeuntes conspectum nobis prece humillima supplicarunt, ut eisdem de nostrae benignitatis clementia annueremus, ut ipsi et eorum quilibet de praefata civitate Cybiniensi cum rebus et mercibus suis ad partes et provincias regni nostri Poloniae sub ea iurisdictione et libertatis praerogativa, qua mercatores nostri de Cracouia cum suis mercimoniis in dicto regno proficiscerentur, transire possent et valerent. Nos itaque supplicationibus praefatorum comitis Michaelis et Johannis ac universorum civium et hospitum nostrorum de Cybinio inclinati eisdem duximus annuendum, ut ipsi a modo et deinceps et eorum quilibet de ipsa civitate cum rebus, mercibus suis quibuslibet ad partes et provincias regni nostri Poloniae sub ea libertatis praerogativa et solutione telonii,¹⁾ qua ceteri mercatores nostri de Cracouia necnon de Cassa et de Leucha, quibus similem gratiam fecimus, in ipso regno Poloniae transire sunt consueti, proficiscantur. Quocirca vobis fidelibus nostris universis palatinis, vaivodis, castellanis, nobilibus, civitatensibus, villicis tributa seu telonia²⁾ in dicto regno habentibus et tenentibus nostrisque ac vestris teloniatoribus³⁾ quibus praesentes ostenduntur mandamus firmiter per praesentes, quatenus a modo praefatos mercatores nostros de Cybinio et eorum quemlibet, dum cum rebus et mercibus suis sub praesentium confidentia in praefato regno Poloniae processerint, in possessionibus, honoribus et tenutis vestris seu vestri in medio nullo modo impedire praesumatis, sed receptis de rebus et mercimoniis eorum teloniis⁴⁾ et solutionibus a mercatoribus de Cracouia exigi consuetis permittatis ipsos et eorum quemlibet per loca telonii¹⁾ vestri ac vestri per medium quoties opportunum fuerit transire libere et sine quolibet impedimento, aliud intuitu nostrae gratiae facere non ausuri. Datum in Diosgewr, feria tertia proxima ante festum beatae Elisabet, anno domini M^o. CCC^o. LXX^mo primo. Praesentes autem, dum nobis reportatae fuerint, sub maiori sigillo nostro emanari faciemus. Datum ut supra.

Unter dem Siegel: Relatio Petri Zudar et Georgii fratris sui.


1) Vorlage: theolonii. [2x]^{^}
2) Vorlage: theolonia.^{^}
3) Vorlage: theoloniatoribus.^{^}
4) Vorlage: theoloniis.^{^}