Urkunde Nr. 930 aus Band II

Seite im UB:

328

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

930

Thorenburg 1369 September 16 Johann, Vizewoiwode von Siebenbürgen, ersucht den Kolozsmonostorer Konvent, bei der Untersuchung gegen Michael, den Vizekastellan von Balvanyos, und Genossen, betreffend die Besitzungen Bööd und Malom, mitzuwirken.

Religiosis viris et honestis conventui ecclesiae beatae Mariae virginis de Clusmonustra amicis suis Johannes vicevaivoda Transsiluanus amicitiam paratam. Dicit nobis Gregorius filius Johannis filii Jacobi de Bethlem, quod Mychael vicecastellanus de Baluanus silvas possessionis suae Beud vocatae potentialiter occupando necnon terras arabiles tam ad dictam possessionem ipsius Beud, quam etiam ad aliam possessionem eiusdem Malun vocatam in comitatu de Zonuk interiori pertinentes similiter occupando seminare¹⁾ et metere una cum Dominico et Georgio officialibus de Vice ac²⁾ populis²⁾ de²⁾ eadem²⁾ ac asportari fecissent necnon feneta defalcassent in suum praeiudicium et derogamen. Super quo vestram petimus amicitiam praesentibus diligenter, quatenus vestrum mittatis hominem pro testimonio fide dignum, quo praesente Ladislaus dictus Wos vel Mychael filius Jacobi nobilis de sancto Egidio aut Jacobus filius Nicolai de sancto Nicolao aliis absentibus homo noster ab omnibus quibus decet et licet sciat et inquirat de praemissis omnimodam veritatem. Et post haec prout exinde vobis veritas constiterit praemissorum nobis in vestris literis amicabiliter rescribatis. Datum in Torda, die dominico proximo post festum exaltationis sanctae crucis, anno domini M^mo CCC^mo LX^mo nono.


1) Vorlage: seminari.^{^}
2) Über der Zeile nachgetragen [4x].^{^}