Urkunde Nr. 926 aus Band II

Seite im UB:

322-323

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach Original

Abdruck als:

Volltext

Sprache:

Latein

---

926

1369 April 24 Das Weissenburger Kapitel beglaubigt für den siebenbürgischen Bischof Demetrius die Urkunde des Notars Peter von 1357 Nr. »729, betreffend die Pfarrer des Schelker Dekanates.

[S. 323] [C]apitulum¹⁾ ecclesiae Albensis universis et singulis praesentes literas inspecturis salutem in omnium salvatore. [Ad univer]sorum notitiam harum serie volumus pervenire, quod discretus vir magister Mathyas Boda soc[ius et conca]nonicus noster vice et nomine venerabilis in Christo patris et domini, domini Demetrii dei et apostolica gratia episcopi Alb[ensis ecclesiae] Transiluanae ad nostram accedendo praesentiam exhibuit, dedit et praesentavit nobis quoddam publicum instrumentum ma[nu Petri] quondam Mathyae de Tyfenou Pomezaniensis dioceseos clerici publici auctoritate imperiali notarii super renuntiatione [ ]²⁾ appellationis et promissione obedientiae ac aliis in eodem publico instrumento verbaliter et nominaliter expressis factum, datum atque emanatum signoque ipsius publici notarii consueto signatum tenoris per omnia subsequentis, requirens nos vice et nomine dicti venerabilis patris domini Demetrii episcopi Albensis debita cum instantia, ut quia idem dominus episcopus dictum instrumentum publicum in curiam Romanam pro executione sui iuris destinare deberet necessario, ideo ne propter viarum discrimina et eventus fortuitos, quod absit, copia probationis sibi in praemissis subtraheretur, tenorem et copiam ipsius publici instrumenti in nostro transscripto sub nostro sigillo authentico eidem domino episcopo concederemus ad cautelam. Cuius instrumenti tenor per omnia talis est. (Folgt die Urkunde des Notars Peter von 1357 Nr. »729.) Subscriptio autem praedicti publici notarii per omnia dignoscitur esse talis. (Folgt die von demselben Notar unter die obige Urkunde gesetzte Beglaubigungsklausel.) Nos itaque attendentes petitionem dicti magistri Mathyae modo quo supra nobis porrectam iustam fore et admissioni condignam, conspicientes dictum publicum instrumentum non abrasum, non cancellatum nec in aliqua sui parte vitiatum, sed omni prorsus carens suspicione praesentibus de verbo ad verbum transcribi et transsumi facientes eidem domino Demetrio episcopo concessimus ad cautelam nihil [adden]tes vel ex eo minuentes, quod sensum mutet vel vitiet intellectum. In quorum omnium testimonium praesentes concessimus literas nostras privilegiales pendentis et authentici sigilli nostri munimine roboratas. Datum in festo beati Georgii martyris, anno domini M^mo. CCC^mo. LX^mo nono. Honorabilibus et discretis viris dominis Petro praeposito domino et praelato nostro, Anthonio cantore, Johanne Zudar custode et Mychaele de Boya decano ecclesiae nostrae existentibus.


1) Raum für C leer gelassen.^{^}
2) Schrift geschwunden, 1 Centimeter breit.^{^}
3) April 21.^{^}