Urkunde Nr. 901 aus Band II

Seite im UB:

299-300

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

901

1367 Juli 4 Der Kolozsmonostorer Konvent schaltet die Urkunde des Vizewoiwoden Peter von 1367 Nr. »897 ein und berichtet dem Vizewoiwoden über die Grenzbegehung des zwischen dem Weissenburger Kapitel und Donnersmarkt strittigen Landstrichs und über das hierbei erfolgte gewaltthätige Einschreiten der Donnersmarkter.

Nobili viro et honesto Petro vicevaivodae Transsiluano amico ipsorum honorando conventus monasterii beatae virginis de Clusmunustra debitae amicitiae et honoris incrementum. Literas vestrae nobilitatis honore quo decuit recepimus in haec verba. (Folgt die Urkunde des Vizewoiwoden Peter von 1367 Nr. »897.) Nos igitur petitionibus vestris et iustitiae annuentes ut tenemur una cum praedicto Ladislao filio Martini de Tate homine vestro religiosum virum fratrem Henricum presbyterum ad praemissa exequenda pro testimonio fide dignum transmisimus. Qui demum ad nos reversi nobis concorditer retulerunt, quod ipsi in praedictis octavis festi nativitatis beati Johannis baptistae proxime nunc praeteritis¹⁾ ad faciem iam dictae particulae terrae litigiosae inter possessiones ipsius abbatis Monera et praetacti capituli Chergeud vocatas habitae accedendo vicinis et commetaneis eiusdem undique legitime convocatis et praesentibus iuxta continentiam instrumentorum seu literalium munimentorum ipsius capituli a quibusdam metis antiquis iuxta aquam Sospatak vocatam de praedicta villa Chergeud ipsius capituli fluentem, quarum una separaret terrae filiorum Blasii de Tyur alia vero possessioni ipsius capituli Chergeud praenotatae, reambulassent, iuxta eandem aquam [S. 300] Sospatak consequenter tres novas metas erexissent et tandem quartam iuxta antiquam ultra ipsam aquam circa quendam fontem erexissent, quae distingueret eidem possessioni ipsius capituli Chergeud ac possessioni nobilium Farkasteluk nuncupatae et cum abinde reflectendo ad easdem duas praevias metas a parte terrarum filiorum Blasii super quendam berch versus occidentem procedendo iuxta antiquas metas novas erigere voluissent, universi populi seu hospites de ipsa villa Monera armatis manibus et potentiarie contra ipsos insurgendo ipsam terrae particulam litigiosam reambulare et novas metas erigere non permisissent, immo eosdem interficere voluissent, et sic ipsi metu mortis abinde discedere compulsi ipsam terrae litigiosae particulam sub inclusione suarum antiquarum metarum in instrumentis seu literalibus munimentis ipsius capituli contentarum et etiam praedictarum metarum de novo erectarum dicto capitulo ecclesiae Transsiluanae statuissent perpetuo possidendam contradictione ipsius domini Alardi abbatis de Egrus et aliorum quorumlibet non obstante iuxta continentiam literarum vestrarum praedictarum. Datum quarto die praedictarum octavarum, anno ut supra.


1) Juli 1.^{^}