Urkunde Nr. 896 aus Band II

Seite im UB:

293

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach Original

Abdruck als:

Volltext

Sprache:

Latein

---

896

Wissegrad 1367 März 26 beziehungsweise April 2. König Ludwig I. erlässt eine Verordnung zu Gunsten der grundherrlichen Gerichtsbarkeit des siebenbürgischen Bischofs Dominik.

Lodouicus dei gratia rex Hungariae universis praelatis, baronibus, comitibus, castellanis, nobilibus et possessionatis hominibus eorundemque officialibus, item civitatibus et liberis villis earumque rectoribus, iudicibus et villicis, quibus praesentes ostenduntur, salutem et gratiam. Cum quarumlibet ecclesiarum cathedralium regni nostri privilegiata libertate requirente earum praelati suos iobagiones et famulos impossessionatos in causis quibusübet ipsimet vel eorum officiales iudicandi habeant facultatem, fidelitati vestrae firmo edicto regio praecipiendo mandamus, quatenus iobagiones et famulos impossessionatos venerabilis patris domini Dominici episcopi Transsiluani more et ad instar ceterorum iobagionum suorum in possessionibus ecclesiae suae commorantes in nullis causis et causarum articulis iudicare vestroque iudicatui adstare compellere neque eosdem irrequisita et ab ipso domino episcopo vel suis officialibus non postulata iustitia prohibere, calumniare et arestare audeatis in rebus eorum et personis, signanter vero pro debitis, delictis et offensis aliorum. Si qui enim ex vobis quidquam actionis vel quaestionis contra eosdem habent vel sunt habituri, hi prius coram eodem domino episcopo vel suis officialibus legitime exequantur, qui si cuipiam in reddenda et impartienda iustitia tepidi, negligentes et remissi exstiterint, ex tunc non hi, contra quos agitur, sed ipsemet dominus episcopus vel sui officiales in nostri vel iudicis sui ordinarii praesentiam per querulantes evocentur. Nos enim vel ipsi iudices nostri ex parte [ ]¹⁾ iudicium et sufficientis iustitiae exhibebimus complementum lege nostri regni observata. Datum in Vissegrad, feria sexta proxima [ante dominicam]²⁾ Laetare, anno domini millesimo CCC^mo. LX^{mo a)} septimo.


a) Die hochgestellten Buchstaben nach den Zahlzeichen sind in diesem Band des gedruckten Urkundenbuches differenziert gesetzt, hier über dem Zahlzeichen, letztes nach dem Zahlzeichen nichthoch mit Abkürzungssstrich.^{^}

1) Loch, 1.9 Centimeter breit.^{^}
2) An der Stelle von ante kann auch: post gestanden haben.^{^}