Urkunde Nr. 888 aus Band II

Seite im UB:

284-285

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

888

Altsohl 1367 Januar 28 König Ludwig I. verfügt, dass ein von der Stadt Klausenburg im Walde Felek anzulegendes Dorf dieser Stadt zugehören soll.

Nos Lodouicus dei gratia rex Hungariae memoriae commendantes praesentium per tenorem significamus universis, quod nos villam quam fideles nostri iudex, iurati et cives de civitate nostra Closuariensi ex nostra commissione et assecuratione efficaci mediantibus aliis literis nostris patentibus eis facta in vertice montis in silva Felek vocata inter eandem nostram civitatem Closuariensem et villam Banabik nuncupatam existenti, ubi scilicet et in quo loco, uti veraciter didicimus et ex frequenti querelantium insinuatione manifeste scivimus, multiplicia spolia, latrocinia et hominum inibi transeuntium crudelissimae occisiones per latrones et malefactores a longis temporibus incessanter et saepissime committebantur, pro remedio evitationis et effugationis huiusmodi multiplicum et enormium maleficiorum de loco ante dicto de novo situabunt, locabunt et congregabunt duraturam ab omni aliena potestate semotam prorsus et exemptam et nunc regia auctoritate fore sanctientes dictae civitati nostrae Colosuariensi ac omnibus suis iuribus applicamus et committimus atque constituimus sub plena iurisdictione et potestate eiusdem civitatis nostrae et civium de eadem perenniter tenendam et gubernandam sub nostra etiam protectione et tutela speciali. Volentes itaque et regio firmo edicto statuentes, quatenus vaivoda noster Transiluanus pro tempore constitutus eiusque vicevaivoda, comites, castellani et officiales ac alii quicumque nullo umquam tempore in praedictam villam modo praetacto statuendam et ipsius habitatores sive populos aliquam iurisdictionem exercere audeant contra edictum et statutum nostrae maiestatis praenotatum. Prae- [S. 285] sentes autem dum nobis reportatae fuerint sub maiori nostro sigillo faciemus emanari pro cautela firmiori. Datum Zolii, feria quinta proxima post festum conversionis beati Pauli apostoli, anno domini millesimo CCC^o LX^{mo a)} septimo.

Unter dem Siegel: Relatio domini Johannis praepositi Transiluani.


a) Die hochgestellten Buchstaben nach den Zahlzeichen sind in diesem Band des gedruckten Urkundenbuches differenziert gesetzt, hier nach dem Zahlzeichen, letztes nichthoch mit Abkürzungssstrich.^{^}