Urkunde Nr. 869 aus Band II

Seite im UB:

268

Druckvorlage:

nach anderem Urkundenbuch mit Quellennachweis

Abdruck als:

Volltext

Sprache:

Latein

---

869

Winz 1366 Juli 15 König Ludwig I. setzt den Weinzoll, welchen die Klausenburger an den Zollstätten zu zahlen haben, mit vier Denaren für ein Fass Wein fest.

Nos Lodovicus dei gratia rex Hungariae memoriae commendamus per praesentes, quod nos commodo civitatis nostrae Cluswariensis providere cupientes supplicationibusque fidelium civium nostrorum de eadem regium favorem inclinantes, eisdem civibus et civitati huiusmodi libertatem et gratiam specialem duximus faciendam perpetualem, quod ipsi cives ac hospites ipsius civitatis Cluswariensis pro qualibet media hydria¹⁾ vini et panibus, quos de singulis tunellis vini ipsorum in curribus ad diversas partes ductis in locis tributorum nostrorum regalium et nobilium ac aliorum hactenus in specie solverunt et solvere consueti fuerunt, deinceps quatuor denarios in regno nostro pro tempore currentes in dictis locis tributorum nostris nobilium et aliorum tributariis dum ad eos venerint dare et solvere teneantur et non plures, exceptis tamen aliis iustis tributis praeter ipsam mediam hydriam vini et panes eosdem de vinis et curribus solvere consuetis, ad quorum Solutionem tenebuntur more consueto. Vobis igitur fidelibus nostris universis praelatis, baronibus, comitibus, castellanis, nobilibus, officialibus et aliis cuiusvis status hominibus tributa tam in terris quam super aquis habentibus et tenentibus eorumque tributariis quibus praesentes ostendentur firmo regio sub edicto mandamus, quatenus a modo praedictos cives et hospites nostros de civitate Cluswariensi aut eorum aliquem ad solutionem mediae hydriae vini et panum praedictorum de tunellis vini ipsorum in curribus per loca vestra tributaria deferendis in specie faciendam compellere contra formam praemissae gratiae et libertatis nullatenus praesumatis, sed receptis singulis quatuor denariis pro ipsis media hydria vini et panibus de singulis tunellis vini ipsorum ac aliis iustis et consuetis tributis ipsos cives et hospites simul cum curribus et vinis ipsorum per dicta loca vestra tributaria transire permittatis semper pacifice et quiete, secus facere non ausuri. Datum in Wynch inferiori, feria quarta proxima post festum beatae Margarethae virginis ac martyris, anno domini millesimo CCC^{mo a)} sexagesimo sexto. [S. 269]


a) Die hochgestellten Buchstaben nach den Zahlzeichen sind in diesem Band des gedruckten Urkundenbuches differenziert gesetzt, hier nach den Zahlzeichen.^{^}

1) Vorlage: idria.^{^}