Urkunde Nr. 867 aus Band II

Seite im UB:

265-266

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach Original

Abdruck als:

Volltext

Sprache:

Latein

---

867

Weissenburg 1366 Juli 14 König Ludwig I. bezeugt, dass er der Stadt Klausenburg die Gerichtsbarkeit über Jobagionen des siebenbürgischen Bistums, ausgenommen die Fälle von auf Stadtgebiet verübtem Diebstahl, Raub und Totschlag, untersagt hat.

Nos Lodouicus dei gratia rex Hungariae memoriae commendamus per praesentes, quod cum fidelis noster dilectus venerabilis in Christo pater dominus Dominicus ecclesiae Albensis Transsiluanae episcopus contra iudicem [S. 266] iuratos cives et hospites nostros de civitate nostra Cluswariensi querimoniam porrexisset nobis in eo videlicet, ut dicti iudex, iurati et cives praetensis eorum libertatibus iobagiones suos et ecclesiae suae in eadem civitate et eius territorio caperent, arestarent et iudicarent nulla prius ab ipso vel suis officialibus iustitia postulata, tandem nos, qui fideles nostros quoslibet in suis iuribus illaesos conservare tenemur, regni nostri praecipue [lege] consuetudinaria et communi iustitia suadente commisimus auctoritate regia decernentes et sanctientes, quod iudex, iurati et universi cives ipsius civitatis Clwswariensis [numquam deinceps] iobagiones praefati domini episcopi et suae ecclesiae in dicta civitate Cluswar et eius pertinentiis pro factis, debitis et delictis eorum propriis vel alienis alias [commissis capere, arestare] et iudicare non praesumant neque possint libertate dictae civitatis Cluswariensis his contraria non obstante penitus in hac parte, sed si qui a[liquid actionis vel quaestioni]s contra iobagiones praedicti domini episcopi et suae ecclesiae ac alios ad se pertinentes habent vel habuerint, hoc coram eodem domino episcopo vel eius officialibus exequantur or[dine iuris et regni nostri] consuetudine requirente exceptis duntaxat factis furti, publici latrocinii et homicidii, si quae per aliquos iobagionum praedictae ecclesiae Transsiluanae in memora[ta civitate Cluswa]riensi et eius pertinentiis committi et perpetrari contingeret. In quibus si ipsi culpabiles ibidem capi poterunt, eos in ipsa civitate Cluswariensi eius iudex, [iurati et cives] habeant iudicandi et puniendi iuxta qualitatem criminum facultatem, e converso autem episcopus praefatae ecclesiae et sui officiales praemissa et simila¹⁾ facere et observare deb[ebunt civibus et] civitati Cluswariensi praenotatis. Datum in Alba Julae, feria tertia proxima post festum beatae Margarethae virginis et martyris, anno domini M^mo. CCC^mo.^a) sexagesimo [sexto].

Unter dem Siegel: Relatio magistri Petri Zudor.


a) Die hochgestellten Buchstaben nach den Zahlzeichen sind in diesem Band des gedruckten Urkundenbuches differenziert gesetzt, hier stets über den Zahlzeichen.^{^}

1) 1367: singula.^{^}