Urkunde Nr. 859 aus Band II

Seite im UB:

250-252 ^a)

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

859

1366 Juni 11 Der Kolozsmonostorer Konvent schaltet die Urkunde des Königs Ludwig I. von 1366 Nr. »856 ein und berichtet dem Könige, dass der Verlauf der Grenzen zwischen Bonczhida und Szek nach den von ihm an Ort und Stelle gegebenen Weisungen bezeichnet worden ist.

[S. 251] Excellentissimo principi domino Lodouico dei gratia illustri regi Hungariae domino ipsorum naturali conventus monasterii beatae Mariae virginis de Clusmunustra orationum suffragia cum perpetua fidelitate. Noverit vestra serenitas literas vestras per nos recepisse honorifice in haec verba. (Folgt die Urkunde des Königs Ludwig I. von 1366 Nr. »856.) Nos enim praeceptis vestrae serenitatis obedire cupientes una cum praedicto domino Petro praeposito omnium sanctorum de Wesprimio speciali capellano vestrae maiestatis per vestram excellentiam deputato nostrum hominem videlicet fratrem Johannem sacerdotem utique fide dignum de medio nostri ad praemissa fideliter peragenda duximus transmittendum. Demum exinde ad nos reversi et per nos diligenter requisiti idem homo vester sub testimonio praedicti hominis nostri nobis sic retulit, quod ipsi personaliter ad faciem terrae et nemorum inter populos de Bunchida et Zekakna accessissent tertia feria proxima ante octavas praedicti festi corporis Christi¹⁾ in locis necessariis secundum praeceptum vestrae maiestatis novas metas erexissent. Quarum quidem metarum cursus ingirato isto modo procedunt. Item prima meta incipit in monte Cepegem a parte plagae orientali ubi in quo loco serenissimus princeps dominus rex personaliter cum suis fidelibus baronibus stetit, in quo propria manu sua per inditionem monstravit metas quam nominant Kipalhatara unam novam metam erexissent, qua videlicet meta respicit et tendit versus metam magistrorum filiorum Bubek, quasi versus plagam orientalem. Secundam autem metam erexissent in quodam monticulo versus plagam aquilonem quod dicitur Lukurem. Item tertiam metam²⁾ terream prope in eodem monticulo quod notatur Zongyresberch. Exinde procedendo in cacumine montium Clrypkes prope magnam viam quae³⁾ vocatur Sohtusnogwth a parte plagae meridionali quartam metam erexissent, postmodum prope eandem viam in vertice alterius montis similiter Chipkes versus aquilonem quintam metam apposuissent. Tandem in latere eiusdem montis gradiendo venissent ad superiorem partem nemorum infra declinando Nogwanye ubi tendit versus occasum, sextam metam apposuissent et deinde procedendo paululum⁴⁾ tres metas terreas videlicet septimam, octavam et nonam a parte plagae orientali in superiori parte eiusdem nemoris tendendo versus plagam orientalem apposuissent. Decimam vero metam fodissent in fine praedictae nemoris Nogwanye et in fronte monticuli qua respicit ad plagam orientalem inde descendendo ad inferiorem partem dictae nemoris et in fine eiusdem in uno colle parvo, ubi undecimam metam fodissent, qua scilicet tendit ad occasum et respicit per quandam⁵⁾ vallem ad aliud⁶⁾ nemus⁶⁾ Kyswanye vocatum. Deinde ascendendo in montem in superiori parte eiusdem nemoris ubi duodecimam metam erexissent. Tredecimam vero metam in superiori parte iam dictae⁷⁾ apposuissent. Abhinc vero declinando gradatim in cervice collis versus plagam [S. 252] orientalem recte in fine eiusdem nemoris quartam decimam metam apposuissent, in qua videlicet arbor querkus fixus pro signo staret, demum abhinc egrediendo paululum¹⁾ ex inferiori parte praedicti²⁾ nemoris Kyswanye tendendo ad occasum³⁾ post invicem duas novas metas scilicet quindecimam et sedecimam erexissent. Tandem sedecimam et ultimam metam paulominus ascendendo magis versus plagam occidentalem erigissent⁴⁾ in quodam monte pro parte radio solis qua tendit et respicit ad quendam acutum monticulum ubi nominatur Chuchalheg, ubi separat et distinguit metae Sciluas, et ibi finiuntur et terminantur metae inter Bunchida et praedicta Zakakna. Datum in octavis festi corporis Christi, anno domini ut supra.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-7 auf S. 251, 1-4 auf S. 252.^{^}
[S. 251]
1) Juni 9.^{^}
2) Vorlage: meta.^{^}
3) Vorlage: qua.^{^}
4) Vorlage: palulum.^{^}
5) Vorlage: quendam.^{^}
6) Vorlage: alium nemorem [2x].^{^}
7) So Vorlage.^{^}
[S. 252]
1) Vorlage: palulum.^{^}
2) Vorlage: praedictae.^{^}
3) So Kemeny a. a. O.^{^}
4) So Vorlage.^{^}