Urkunde Nr. 858 aus Band II

Seite im UB:

249-250

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inventar 58ff.)

Druckvorlage:

nach Einschaltung (Insert)

Abdruck als:

Volltext

Sprache:

Latein

---

858

Bistritz 1366 Juni 11 König Ludwig I. erlässt für den Bistritzer Distrikt Bestimmungen, betreffend die Wahl der Beamten, das Verhältnis zu dem vom König eingesetzten Comes, die Weiterklage nach Hermannstadt, den Genuss gleicher Rechte mit Hermannstadt, die Steuern und Leistungen für den König und die Aufteilung der Gerichtsgefälle.

Nos Lodouicus dei gratia rex Hungariae notum facimus tenore praesentium quibus expedit universis, quod quia universitas fidelium nostrorum civium hospitum et populorum civitatis nostrae Biztriciensis et villarum ad eandem pertinentium propter defectus, quos in eo a multis retroactis temporibus passa fuit et adhuc patiebatur, quod propriorum iudicum et iuratorum annuatim in sui medio eligendorum praerogativa patiebatur, incommoda hactenus sustulit infinita, ratione quorum etiam iura nostra regalia ex parte ipsius provenientia non poterat commode ut debebat singulis annis nobis adrainistrari. Igitur nos, qui sicut ex officio suscepti nostri regiminis sic non minus pro utilitate nostra et sanctae nostrae coronae universarum regni nostri [S. 250] civitatum et suarum pertinentiarum incommoditates in statum debitum reformare et defectus supportare tenemur, gratiosa et benevola regia intuitione nolentes praenominatos cives hospites et populos nostros regales defectus et incommoditates in casu praemisso pati ulteriores eisdem, quorum augmentum in numero et etiam in fidelitatis obsequio favorabiliter optamus, de plenitudine regiae nostrae potestatis et gratia speciali duximus annuendum, ut ipsi semper et in antea perpetuis temporibus in praedicta nostra Byztriciensi civitate eiusdem videlicet civitatis cives et hospites de communi eorum consensu et pari voluntate iudicem et iuratos de sui medio eligendi plenariam singulis annis habeant facultatem, populi vero villarum ad eandem civitatem pertinentium villicos et etiam iustitiarios de sui medio secundum ordinationem et beneplacitum iudicis et iuratorum ac civium dictae nostrae civitatis annuatim eligere debeant et teneantur. Ipsi enim iudex, iurati, villici et iustitiarii omnes causas simul cum comite nostro Biztriciensi nunc et pro tempore constrtuendo vel eius vices gerentibus seu officialibus debeant iudicare, ubi si qua partium litigantium de eorum iudicio nollet contentari, causam suam adiudicatam secure et libere transferre possit ad examen seu interrogationem iudicis nostrae civitatis Cybiniensis. Et insuper volumus, ut praedicti cives hospites et populi nobis fideles eisdem iuribus et consuetudinibus pacifice fruantur, quibus eadem civitas nostra Cybiniensis legitime usa fuit ab antiquo, permaneant etiam semper pacifice et quiete circa praerogativam primaevae seu antiquae suae libertatis. Censum tamen nostrum regium cum exhibitione debitorum servitiorum teneantur solvere regiae nostrae maiestati, quem et nobiles in praedictis villis residentes, quos numquam praefici volumus in villicos seu iustitiarios alicuius praedictarum villarum nostrarum, ad instar ceterorum populorum nostrorum solvere plenariter debeant cum huiusmodi debitorum servitiorum exhibitione harum sub secreto nostro sigillo testimonio literarum, quas sub authentico nostro sigillo emanari faciemus, dum fuerint nobis reportatae. Datum in eadem Biztriciensi nostra civitate, octavo die festi corporis Christi, anno eiusdem millesimo CCC^{mo a)} sexagesimo sexto. Ceterum addicimus, quod omnium iudiciorum seu birsagiorum in eisdem civitate et villis fieri contingentium praefatus comes vel sui officiales ubique duas partes, iudex vero civitatis in eadem et quilibet villicus in sua villicatione tertiam partem seu portionem tollere debeant prout hactenus fuit consuetum. Datum ut supra.


a) Die hochgestellten Buchstaben nach den Zahlzeichen sind in diesem Band des gedruckten Urkundenbuches differenziert gesetzt, hier über den Zahlzeichen.^{^}