Urkunde Nr. 846 aus Band II

Seite im UB:

239-240

Druckvorlage:

nach Einschaltung (Insert)

Abdruck als:

Volltext

Sprache:

Latein

---

846

Thorenburg 1366 Mai 9 König Ludwig I. beauftragt das Weissenburger Kapitel, bei der Einführung der Enkel Benchench's in die ihnen durch die Szekler von Sepsi entrissenen Gebietsteile der Besitzungen Arapataka und Fürstenburg mitzuwirken.

Lodouicus dei gratia rex Hungariae fidelibus suis capitulo ecclesiae Albensis Transiluanae salutem et gratiam. Cum nos in praesenti nostra congregatione Tordae celebrata generali una cum baronibus nostris nobiscum existentibus cognita et scita rei veritate terras et metas possessionum fidelium nostrorum Jacobi et Demetrii filiorum Nicolai ac ceterorum nepotum quondam [S. 240] Benchench, Arapataka et Hidweg vocatarum per Siculos nostros de sede Sebus olim violenter occupatas veras et antiquas eisdem Jacobo et Demetrio ac aliis nepotibus quondam Benchench restituerimus et resignaverimus ac ad easdem possessiones Arapataka et Hydveg reapplicaverimus, sicut pristinis temporibus pertinuerint ad ipsos, perpetue possidendas ipsis Siculis nostris in hac parte silentium perpetuum imponentes. Vestrae fidelitati firmiter praecipimus, quatenus vestrum mittatis hominem pro testimonio fide dignum, quo praesente Johannes de Sile vel Stephanus de Deeg aut Michael de Bard aliis absentibus homo noster ad facies praedictarum terrarum et metarum possessionum Arapataka et Hydveg vocatarum, quas metas et terras Siculi praedicti olim occuparant et occupatas tenuerant usque modo, accedendo ipsas metas et terras simul cum omnibus suis utilitatibus intra se existentibus ab aliis metis falsis fortasse per ipsos Siculos erectis sequestrando statuat praefatis Jacobo, Demetrio et eorum consanguineis praemissae nostrae restitutionis et reapplicationis legitimo titulo perenniter ad praenotatas possessiones Arapataka et Hydueg, sicut ad eas dignoscuntur pertinuisse, per dictos Jacobum, Demetrium et suos consanguineos eorum heredes possidendas, utendas et tenendas contradictione Siculorum praedictorum non obstante. Et post haec seriem ipsius statutionis cum cursibus iam dictarum metarum nobis fideliter rescribatis. Datum in eadem Torda, Sabbato proximo ante festum ascensionis domini, anno eiusdem millesimo CCC^mo LX^{mo a)} sexto.


a) Die hochgestellten Buchstaben nach den Zahlzeichen sind in diesem Band des gedruckten Urkundenbuches differenziert gesetzt, hier über dem Zahlzeichen, letztes nach dem Zahlzeichen nichthoch mit Abkürzungsstrich.^{^}