Urkunde Nr. 843 aus Band II

Seite im UB:

236-238

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

843

Weissenburg 1366 April 29 König Ludwig I. beauftragt das Weissenburger Kapitel, bei der Begehung des Hatterts der Besitzungen Neudorf und Rauthal einerseits und der Gemeinden Waldhütten und Grosskopisch andererseits, beziehungsweise bei der Abschätzung des strittigen Gebietes mitzuwirken.

Lodowicus dei gratia rex Vngariae fidelibus suis capitulo ecclesiae Transiluanae salutem et gratiam. Noveritis quod cum Johannes filius Gegus de Almakerec in eo, quod Saxones nostri de Walthyd et de Kaps ad sedem Medyes pertinentes quandam particulam terrae Lapus vocatae inter metas [S. 237] possessionum suarum hereditariarum Vyfollu et Rudal vocatarum ad eandem Almakerek pertinentium adiacentis propria eorum auctoritate et potentia occupando conservarent et uterentur indebite et iniuste, saepe saepius nostrae maiestati graves querimonias porrexisset nosque auditis querimonialibus supplicationibus eiusdem Johannis filii Gegus iam dictos Saxones nostros de Walthyd et de Kaps super praemissis responsuros rationemque reddituros adversus eundem Johannem filium Gegus per literas nostras ad Albara Gulae fecisseraus evocari, tandem feria quarta proxima post festum beati Georgii martyris¹⁾ una cum praelatis et baronibus nostris in eadem Albae Gulae causales processus quorumlibet nostrae maiestati conquerentium moderamine iuris mediante discutientibus praedictus Johannes filius Gegus coram nobis personaliter adhaerendo praesentibus Petro de Etzil et Johanne comitibus greb dictis, qui pro eisdem Saxonibus de Walthyd et de Kaps venerant et astabant, suam primariam acquisitionem reiterando contra eosdem Saxones proposuit tali modo, quod praenotati Saxones de Walthyd et de Kaps praedictam particulam terrae suae Lapus vocatae ad supra dictas possessiones suas Vyfollu et Rudal vocatas pertinentem adhuc vivente patre suo potentialiter occupassent et occupando usque ad haec tempora usi fuissent et uterentur, cuius occupationis rationem scire vellet ab eisdem. Quibus auditis et perceptis praescripti Petrus de Etzil et Johannes de Kaps in personis praenominatorum Saxonum de Walthyd et de Kaps responderunt eo modo, quod praedictam particulam terrae Lapus vocatam, quam ipse Johannes filius Gegus suam fore diceret et ab eisdem Saxonibus requireret, ab eo tempore, quo ipsi Saxones de Walthyd et de Kaps moraturi ibidem descendissent, semper absque aliquo impedimento usi fuissent et nunc uterentur. Auditis igitur praemissis licet per ipsas partes in nostri et baronum nostrorum praesentia quaedam literae inquisitoriae et affirmatoriae ad probationem iuris ipsarum et alterutrum fuerunt exhibitae, tamen quia absque revisione et aestimatione saepe dictae particulae terrae Lapus vocatae inter easdem partes finem decisivum congruo modo facere non poteramus, ideo fidelitati vestrae firmiter praecipimus per praesentes, quatenus visis praesentibus duos ex vobis viros idoneos pro testimonio fide dignos transmittatis, quibus praesentibus honorabilis vir dominus Petrus praepositus ecclesiae omnium sanctorum de Wesprimio capellanus noster specialis et magister Johannes de Yska filius Zoardi aulae nostrae iuvenis homines nostri pro ipsis partibus ad hoc specialiter per nos deputati ad faciem praedictae terrae litigiosae Lapus vocatae vicinis et commetaneis suis legitime convocatis et praesentibus accedendo primo iam dictus Johannes filius Gegus metas praedictarum possessionum suarum Vyfollu et Rudal vocatarum ex parte praedictarum villarum nostrarum Saxonicalium Walthyd et Kaps vocatarum separantes ostendat et demonstret,²⁾ demumque iidem Saxones nostri de eisdem Walthyd et Kaps etiam simili modo metas earundem villarum ex parte praedictarum possessionum ipsius Johannis filii Gegus Vyflolu et Rudal nominatarum distinguentes ostendant et demonstrent,³⁾ peractisque ipsis osten- [S. 238] sionibus et demonstrationibus earundem metarum, si ipsae partes concordes fuerint, tunc unicuique parti sua iura novis metis in locis necessariis erectis committant perpetue possidere, si vero aliqua particula terrae e demonstrationibus ipsarum partium inter ipsas partes litigiosa remanserit, tunc eandem visa sua qualitate, quantitate, fructuositate et valore aestiment regni nostri consuetudine requirente. Et post haec totius facti seriem prout fuerit expediens ad congregationem nostram generalem Tordae nunc proxime per nos celebrandam in vestris literis nobis fideliter rescribatis. Datum die et loco praenotatis, anno domini M^o C^o C^o C^o LX^mo VI^{o a)}.


a) Die hochgestellten Buchstaben nach den Zahlzeichen sind in diesem Band des gedruckten Urkundenbuches differenziert gesetzt, hier über dem Zahlzeichen, nach LX nach dem Zahlzeichen hoch ohne Abkürzungsstrich.^{^}

1) April 29. ^{^}
2) Vorlage: demonstrat.^{^}
3) Vorlage: demonstrant.^{^}