Urkunde Nr. 834 aus Band II

Seite im UB:

230-231

Heute in:

Budapest, Bibliothek der Ungarischen Akademie der Wissenschaften [Magyar Tudományos akadémia Könyvtára]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

834

Altsohl 1365 November 6 König Ludwig I. verleiht dem siebenbürgischen Adel die grundherrliche Gerichtsbarkeit.

Nos Lodouicus dei gratia rex Hungariae memoriae commendantes praesentium tenore significamus universis, quod nos fidelibus nostris universis nobilibus de partibus Transiluanis et eorum heredibus huiusmodi libertatis et gratiae perpetuo duraturae praerogativam dedimus et annuimus, ut ipsi nobiles eorumque heredes et posteri ac quipiam ipsorum suos populos et iobagiones ac famulos impossessionatos in omnibus causis et causarum articulis, exceptis duntaxat furtis, publicis latrociniis et causis criminalibus, ad instar ceterorum nobilium regni nostri iudicandi plenam habeant facultatem. Volumus igitur et vobis universis praelatis, baronibus, comitibus, castellanis, nobilibus, officialibus et aliis cuiusvis dignitatis et status hominibus possessionatis, item civitatibus et liberis villis ipsarumque rectoribus, iudicibus et villicis fidelibus nostris, quibus praesentes ostendentur, firmissimo regio sub edicto mandamus, quatenus deinceps populos, iobagiones et famulos impossessionatos praedictorum nobilium de partibus Transiluanis in nullis causis et causarum articulis motis et movendis, exceptis solum, ut praefertur, furtis, publicis latrociniis et causis criminalibus, iudicare vel vestro astare iudicatui compellere praesumatis, nec ipsos aut eorum alterum in personis seu rebus suis alibi in tenutis et possessionibus vestris ac vestri in [S. 231] medio arestare et impedire sive impediri et arestari facere quomodolibet¹⁾ audeatis,²⁾ sed si qui aliquid actionis vel quaestionis contra ipsos populos, iobagiones et famulos impossessionatos habent vel habuerint, hoc in praesentia iam dictorum nobilium vel suorum officialium assequantur ordine iuris observato ac libertate ipsorum nobilium praemissa requirente. Qui si in reddenda iustitia cuipiam in eorum praesentia et in suis possessionibus recusantes vel tepidi exstiterint, tunc non dicti populi, iobagiones et famuli eorum impossessionati sed iidem nobiles in nostram vel ordinarii iudicis ipsorum praesentiam legitime evocentur abnegatae iustitiae rationem efficacem reddituri, ubi ex parte eorum dominorum plenae iustitiae et satisfactionis impendetur complementum cuilibet querelanti. Datum Zolii, feria quinta proxima post festum omnium sanctorum, anno domini M^mo CCC^{mo a)} sexagesimo quinto.³⁾ Praesentes autem, dum nobis reportatae fuerint, sub maiori sigillo nostro emanari faciemus. Datum ut supra.


a) Die hochgestellten Buchstaben nach den Zahlzeichen sind in diesem Band des gedruckten Urkundenbuches differenziert gesetzt, hier stets über den Zahlzeichen.^{^}

1) Hierauf: habeatis [unterpunktet].^{^}
2) Vorlage: audiatis.^{^}
3) Hierauf: Nos enim petitionibus [alle Worte unterpunktet].^{^}