Urkunde Nr. 785 aus Band II

Seite im UB:

191-192

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Klausenburg [Primăria Oraşului Cluj] (Inventar 1ff.).

Druckvorlage:

nach Einschaltung (Insert)

Abdruck als:

Volltext

Sprache:

Latein

---

785

Klausenburg 1361 Oktober 23 Dionysius, Woiwode von Siebenbürgen, bestätigt die Klausenburger in ihren Rechten, betreffend die ihnen für den Handel nach Bistritz beziehungsweise nach [Regen /] Reen, Tekendorf und Neumarkt zustehenden Strassen und Abgabenstellen.

Nos Dyonisius vaivoda Transsiluanus et comes de Zonuk memoriae commendamus per praesentes, quod cives et hospites domini nostri regis de Kluswar ad nostram accedentes praesentiam literas patentes viri magnifici domini Nicolai Konth quondam vaivodae Transsiluani nunc regni Hungariae palatini et iudicis Comanorum tempore sui vaivodatus honore confectas nobis praesentarunt, in quarum tenoribus inter cetera comperimus haberi manifeste, ut ipsi cives et hospites quasdam literas magnifici viri Thomae filii Petri quondam vaivodae Transsiluani sibi praesentassent, in quibus expresse vidisset contineri, quod ipse auditis querulosis supplicationibus nobilium et ignobilium comitatuum de Torda, de Doboka et de Klus necnon civium et hospitum de Kluswar praedicta super eo, ut dum ipsi et ad eos pertinentes cum rebus ipsorum mercimonialibus per viam Kalyan versus villas Buza, Teke, Regun, Sarpatak, Monyorow et forum Siculorum procedere vellent, in villam Bonchyda ire non tenerentur, sed recta via ipsorum esset ad villam sancti Nicolai per viam de Kalyan euntem et sic ad tributum solvendum in praedictam villam Bonchyda de via eorum directa compelli non deberent, sed per viam de Kalyan et Menyus euntem ad villam sancti Nicolai procedere deberent, mercatores autem de Bettegh, Deeswar, Lekenche et de Cluswar versus Byztriciam procedere volentes per Banchyda ire tenerentur tributum solvendo inibidem, si qui vero praedictis viis eorum relictis contra ordinationem praemissam in aliis viis reperirentur, illos in rebus ipsorum damnificandi praebuissent auctoritatem. Unde cum nos ordinationem et dispositionem praedicti Thomae quondam vaivodae et continentiam literarum praenotati domini Nicolai Konth in his ratam habere et nullo modo velimus retractare, vobis universis comitibus, castellanis et officialibus nostris in dictis partibus Transsiluanis pro tempore constitutis et in futurum constituendis specialiter vobis Petro vicevaivodae et magistro Ladislao magno officiali nostro de Banchyda nunc constitutis et in futurum constituendis vestrisque [S. 192] tributariis firmiter praecipiendo mandamus, quatenus quandocumque et quotiescumque praedicti cives et hospites de Kluswar cum rebus eorum et mercibus versus Byztricyam processerint libere ipsos per villam et tributum de Bonchyda procedere, si autem versus Reugun, Teke et forum Syculorum accesserint, per villam et tributum sancti Nicolai in via per Kalyan et Menus eunte¹⁾ transire permittatis, prout per praedictum Thomam quondam vaivodam exstitit ordinatum et per dominum Nicolaum Konth ratificatum et confirmatum. Aliud facere non ausuri. Datum in Kluswar praedicta, Sabato proximo ante festum beati Demetrii martyris, anno domini M<sup>mo>/hoch> CCCmo>/hoch> LXmo>/hoch> a) primo.


a) Die hochgestellten Buchstaben nach den Zahlzeichen sind in diesem Band des gedruckten Urkundenbuches differenziert gesetzt, hier über dem Zahlzeichen, letztes nach dem Zahlzeichen hoch ohne Abkürzungsstrich.^

1) Vorlage: eunit.^</sup>