Urkunde Nr. 783 aus Band II

Seite im UB:

190

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach Original

Abdruck als:

Volltext

Sprache:

Latein

---

783

1361 April 11 Abt Oth und der Konvent von Kolozsmonostor bezeugen, dass Comes Johann, Sohn Wywyanus' von Winz, dem Weissenburger Kapitel durch letztwillige Verfügung die Besitzung Varadja vermacht hat.

Nos frater Oth abbas de Clusmunustra ac conventus ecclesiae beatae virginis de eadem significamus tenore praesentium quibus expedit universis, quod cum nos in personis propriis cum fratre Johanne nostri¹⁾ ordinis ac vice et nomine eiusdem conventus nostri ad diligentem petitionem et requisitionem honorabilis capituli ecclesiae Transsiluanae ad audiendum testamentum et ultimam dispositionem quondam comitis Johannis filii Wywyani de Vinch inferiori accessissemus, tandem nobis ibi existentibus frater Alardus²⁾ prior ecclesiae beatae virginis de eadem Vinch, frater Nicolaus prior ecclesiae beatae virginis de Alba, Nicolaus de Burperk et Johannes de Vinch ecclesiarum rectores ac comes Reneryus et Nicolaus filius Anthonii hospites de praedicta Vinch dixerunt et confessi exstiterunt nobis hunc in modum, quod idem comes Johannes filius Wyuiani licet aeger corpore, mente tamen per omnia sanus in praesentia ipsorum ac venerabilis in Christo patris domini Rodulphi dei et apostolicae sedis gratia episcopi Bondychyensis suffraganei domini Dominici eadem gratia episcopi Transsiluani ac Nycolai pistoris, Johannis Turner dicti et Andreae dicti Yaaz³⁾ hospitum de eadem Vinch inferiori necnon comitis Danielis de Rufa ecclesia quandam possessionem suam Waradya vocatam, in comitatu Albensi iuxta fluvium Morisii adiacentem cum omni plenitudine sui iuris in perpetuam elemosynam ecclesiae beati Michaelis archangeli videlicet capitulo excepto⁴⁾ episcopo prout pater suus et avus in sua ultima dispositione sui testamenti legasset et testamentaliter commisisset et donasset perpetuo et irrevocabiliter possidendam et habendam. Super qua testamentaria dispositione ad supplicationem praedictorum dominorum de capitulo literas nostras communi iustitia requirente duximus concedendum. Datum in quindenis festi Pascae domini, anno eiusdem M^o CCC^{mo a)} sexagesimo primo.


a) Die hochgestellten Buchstaben nach den Zahlzeichen sind in diesem Band des gedruckten Urkundenbuches differenziert gesetzt, hier stets über den Zahlzeichen.^{^}

1) So 1447.^{^}
2) 1447: Alordus.^{^}
3) 1447: Zaaz.^{^}
4) Hierauf durchgestrichen: e.^{^}