Urkunde Nr. 770 aus Band II

Seite im UB:

181

Heute in:

Klausenburg, Bibliothek der Akademie [Biblioteca Academiei Române, Filiala Cluj-Napoca]

Druckvorlage:

nach Abschrift

Abdruck als:

Volltext

Sprache:

Latein

---

770

Szentimre 1360 September 22 Peter, Vizewoiwode von Siebenbürgen, ersucht den Kolozsmonostorer Konvent, bei der Untersuchung der Klage Jakobs von Drag gegen Nikolaus von Zsombor, betreffs des Zolles der Klausenburger, mitzuwirken.

Religiosis viris conventui ecclesiae beatae Mariae virginis de Clusmonostra amicis suis Petrus vicevaivoda Transilvanus amicitiam paratam cum honore. Dicitur nobis in persona comitis Jacobi de Drag, quod Nicolaus filius Joannis de Surabur frater suus patruelis tributa seu¹⁾ telonia ab hospitibus de Klusvar per villam Sumbur praedictam transeuntibus provenire debentia a multis temporibus retroactis fecisset exigere incessanter pro se ipso reservando absque ipsius voluntate, cum tamen ipse cum dictis hospitibus de Klusvar in facto dicti tributi esset litis intermedio ac de mandato regio praedicta tributa ab eisdem hospitibus de Klusvar exacta et exigenda in congregatione generali magnifici viri domini Dyonisii vaivodae Transsiluani et comitis de Zonuch domini nostri coram eodem domino nostro deberet ac teneretur praesentare. Super quo vestram amicitiam praesentibus petimus reverenter, quatenus vestrum mittatis hominem pro testimonio fide dignum, quo praesente Georgius de Buda vel Nicolaus filius Joseph de Machkas sive Nicolaus filius Joannis de Zumurduch aliis absentibus homo noster ad dictum Nicolaum filium Joannis accedendo eundem requisitum habeat²⁾ et requirat³⁾ super eo videlicet, cur dicta tributa ab ipsis hospitibus de Clusvar usurpare aut exigere fecisset aut faceret in futurum, si vero negaverit, ab omnibus, quibus decet et licet, sciat et inquirat omnimodam de praemissis veritatem. Et post haec quidquid idem responderit ad praemissa, aut qualiter praemissorum vobis veritas constiterit nobis amicabiliter rescribatis. Datum in sancto Emerico, in quindenis⁴⁾ festi nativitatis beatae Mariae virginis, anno domini millesimo trecentesimo sexagesimo.


1) So Fejer a. a. O. -- Fehlt in der Vorlage.^{^}
2) Vorlage: habeant.^{^}
3) Vorlage: requirant.^{^}
4) Fejér a. a. O.: in quadragesima.^{^}