Urkunde Nr. 760 aus Band II

Seite im UB:

173-174 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. I (Inventar 25), Nr. 15.

Druckvorlage:

nach Original

Abdruck als:

Volltext

Sprache:

Latein

---

760

Hermannstadt 1359 Die Sieben Stühle sprechen der Gemeinde Szakadat den ihr durch den Konvent von Kerz strittig gemachten Landstrich zu und beschreiben die Grenzen dieses Landstrichs.

In nomine domini amen. Nos provinciales septem sedium partium Transsiluanarum per tenorem praesentis literae publice protestamur tam praesentibus quam futuris quibus expedit universis, quod reverendus vir . .⁴⁾ dominus abbas de Kercz ex parte sui conventus universitatem plebis de Zeckat alloquebatur citando ipsos in praesentiam decani ac capituli Czybiniensis, ut coram praedictis dominis in iure ratione territorii comparerent. Verumtamen dominus abbas coram dominis proposuit dicendo, quod literis regalibus ac instrumentis ostendere vellet, quod ante dictum⁵⁾ territorium, pro quo lis vertebatur, ad claustrum praedictum iure pertinere dignosceretur. Pro his⁶⁾ vero rationibus per abbatem factis decanus cum suis fratribus terminum abbati⁷⁾ assignaverunt competentem ad probandam mediantibus [S. 174] literis regalibus suam intentionem. Termino adveniente dominus abbas cum suis fratribus comparuerunt et pars adversa videlicet comes Nicolaus cum universitate plebis de Zeckat unanimiter comparuerunt ad audiendam intentionem domini abbatis et tenorem literarum regalium super territorio confectarum.¹⁾ Verumtamen neque instrumenta regalia vel rationem probabilem domini abbatis viderunt vel audiverunt, per quas ostendere posset, quod supra dictum territorium,²⁾ pro quo lis vertebatur, ad claustrum Kercz modo aliquo posset pertinere. Ea propter in dei nomine nos provinciales septem sedium una cum comite Conrado de Czybinio pro tunc existens iudex regalis, et cum viris³⁾ infra scriptis videlicet cum comitibus⁴⁾ Ywano ac Johanne fratribus de Ruffo monte, Johanne dicto Loc de Stolzemberg, Johanne vitrico ecclesiae de Magno horreo, villico de Helta, villico de Magna insula et cum universis provincialibus nolentes consentire, ut de facto aliqualis iniuria nostris consociis de Zeckat per abbatem evenire posset, cum nihil iuris praedictus abbas haberet in territorio ante dicto. Idcirco deliberato animo maturoque consilio praehabito⁵⁾ universorum provincialium territorium, quod ad villam Czeckat pertinuit et pertinet, ascribi fecimus praedictae villae Zeckat, nec plus vel minus assignavimus villae praedictae nisi quam cum⁶⁾ ut nobis constiterat evidenter. Terminos autem praedicti territorii incipere recognovimus⁷⁾ a rivulo fluente a loco qui dicitur Cranemar et pertransit usque in rivulum qui Hunnerbach nuncupatur, et tunc protenditur a loco qui dicitur Cranemar ultra montem usque in parvum rivulum, et sic per rivulum descendendo usque ad aquam magnam, quae aqua Alt nuncupatur. In quorum omnium praemissorum evidens testimonium hanc literam nostro sigillo provincialium duximus roborandam. Testes sunt viri praescripti et quamplures fide digni. Datum in Czybinio, anno domini M^o CCC^{o c)} LIX.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 4-7 auf S. 173 (1-3 zu voranstehender Urkunde), 1-7 auf S. 174.^{^}
b) Im UB Abbildung des Siegels der Hermannstädter Provinz an dieser Urkunde auf Tafel II, Bild 6; unten als »Abb. ^{^}
c) Die hochgestellten Buchstaben nach den Zahlzeichen sind in diesem Band des gedruckten Urkundenbuches differenziert gesetzt, hier stets über den Zahlzeichen.^{^}
[S. 173]
4) Johannes. -- 1372 fehlen die zwei Punkte. ^{^}
5) Hierauf: a [Punkt unter a]. -- 1372 fehlt der Punkt unter a.^{^}
6) Gebessert aus: habita. -- 1372: habita.^{^}
7) Auf Rasur. ^{^}
[S. 174]
1) Vorlage und 1372: confectis.^{^}
2) Vorlage: territoritorium.^{^}
3) Hierauf: pos [Punkte unter p und o].^{^}
4) Hierauf durchgestrichen: comite. -- 1372 fehlt der horizontale Strich.^{^}
5) Hierauf durchgestrichen: nro. ^{^}
6) Fehlt 1372.^{^}
7) Vorlage: recognimus.^{^}

Abb.