Urkunde Nr. 750 aus Band II

Seite im UB:

164-166 ^a)

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach Original

Abdruck als:

Volltext

Sprache:

Latein

---

750

Weissenburg 1359 Mai 8 Andreas, Woiwode von Siebenbürgen, überlässt dem siebenbürgischen Bischof Dominik und dem Weissenburger Kapitel den Zehnten der zu den Burgen Csicso, Balvanyos, Leta, Kokelburg, Szamosujvar und [Diemrich /] Deva gehörigen und der sonstigen Ortschaften, ausschliesslich des Zehntens von Bun.

Nos Andreas vaivoda Transsiluanus et comes de Zonuk significamus tenore praesentium quibus expedit universis, quod cum iuxta continentiam literarum excellentissimi principis domini Lodouici dei gratia illustris regis Hungariae domini nostri in quindenis festi beati Georgii martyris ²⁾ inter venerabilem in Christo patrem dominum Dominicum eadem et apostolica gratia episcopum Transsiluanum et capitulum eiusdem et inter nos arbitrium per octo probos viros, quorum quatuor idem dominus episcopus et capitulum suum, alios vero quatuor nos in villam magistri Petri filii Mychaelis quondam vicevaivodae Warada vocatam adducere tenebamur, praesente eodem magistro Petro homine regio per eundem dominum regem ad hoc deputato sub testimonio conventus ecclesiae beatae virginis de Clusmonostra super omnibus iniuriis, damnis et specialiter ablatione et perceptione decimarum et aliarum quarumlibet discordiarum generibus qualiter et quomodocumque hactenus inter praedictos dominum episcopum et capitulum suum ac inter nos sub- [S. 165] ortis et excitatis fieri debuisset, tandem ipsis quindenis¹⁾ advenientibus ad locum praedictum tam per venerabilem in Christo patrem dominum Dominicum et capitulum suum suis arbitratoribus et per nos similiter nostris arbitratoribus adductis ipsisque et memorato magistro Petro quondam vicevaivoda ac magistro Petro notario homine conventus eiusdem praesentibus inter cetera idem dominus episcopus et suum capitulum exhibuerunt nobis literas regias quamplures, quarum data unius Sabbato proximo ante festum Pascae domini,²⁾ alterius die dominico proximo post festum beati Jacobi apostoli,³⁾ tertiae vero secundo die conversionis beati Pauli apostoli⁴⁾ consequenter in Wyssegrad, in anno domini M<sup>mo>/hoch> CCCmo>/hoch> quinquagesimo septimo emanatas, in quibus praedictus dominus noster rex primo, secundo et tertio nobis firmis dabat in mandatis, ut decimas praetacti domini episcopi et sui capituli in partibus Transsiluanis ubique in villis sub honore vaivodatus et tenuti nostri existentes habitas remitteremus et reassignaremus ac per ad nos pertinentes remitti et reassignari faceremus et numquam nos manus nostras et ad nos pertinentium intromitteremus vel intromitti faceremus de eisdem, de perceptis autem nos et etiam pertinentes ad nos satisfaceremus. Ideo nos mandatis et literis ipsius domini nostri regis obedientes, ne etiam regiis edictis5) domini nostri regis contraire videamur, universas decimas memorati domini episcopi et sui capituli cum omnibus suis iuribus in villis ad castra Clyoho, Baluanus, Leta, Kukullew, Wywar et Dewa necnon in aliis villis quibuslibet sub honore nostri vaivodatus existentibus habitas, quas quidam vaivodae praedecessores nostri occupando perceperunt et nos demum percepimus et percipi fecimus, prout alii vaivodae praedecessores nostri persolvere pro ipsis decimis fuissent consueti, coram praefatis homine regio et testimonio dicti conventus iuxta praeceptum domini nostri regis pro eo etiam, ut omnis litis materia et dissidii fomes de medio nostri radicitus exstirpetur et nos falce pacis mutuo invicem valeamus amplexari, remisimus et reassignavimus, immo remittimus et reassignamus vigore praesentium mediante exceptis tamen decimis villae Bun, quas quia in ipsis literis regiis mentio de factis decimarum eiusdem villae Bun non fiebat sine scitu et consensu praetacti domini nostri regis remittere non valemus assumentes, ut a modo et deinceps nullo modo sub aliquo colore quaesito supra notatas decimas occupando percipiemus nec per ad nos pertinentes percipi faciemus manus nostras et ad nos pertinentium omnino eximendo de eisdem, nisi a supra dictis domino episcopo et suo capitulo vel procuratoribus suis ad hoc deputatis nos et ad nos pertinentes emere et comparare possimus iuxta valorem decimarum earundem. Quamobrem universis castellanis, officialibus et pertinentibus ad nos quibuslibet praesentibus et futuris firmiter praecipimus et mandamus, quatenus nullo modo amplius praedictas decimas domino episcopo et suo capitulo provenientes et [S. 166] provenire debendas occupare occupatasque percipere praesumatis quoquomodo omnino manus vestras eximentes ab eisdem, nihilominus de decimis per vos perceptis praenotatis domino episcopo et suo capitulo satisfaciatis et sicut gravissimam idignationem regiam et nostram incurrere formidatis aliud facere non audentes in praemissis, ut aliqua improperia ex parte domini nostri regis nobis non interveniant in hac parte. Datum Albae, in quindenis festi beati Georgii martyris praedictis, anno domini Mmo>/hoch> CCCmo>/hoch>b) quinquagesimo nono.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 2 auf S. 164 (1 zu voranstehender Urkunde), 1-5 auf S. 165.^
b) Die hochgestellten Buchstaben nach den Zahlzeichen sind in diesem Band des gedruckten Urkundenbuches differenziert gesetzt, hier stets über den Zahlzeichen.^
[S. 164]
2) Mai 8. ^
[S. 165]
1) Mai 8.^
2) 1357 April 8. ^
3) Juli 30. ^
4) Januar 26. ^
5) So Kopialbuch, Seite 87.^</sup>