Urkunde Nr. 72 aus Band I

Seite im UB:

62-64 ^a)

Heute in:

Vatikanstadt, Vatikanisches Archiv [Archivum Secretum Apostolicum Vaticanum, Archivio Segreto Vaticano]

Heutige Signatur:

Reg. Vat. (Registra Vaticana) Nr. 18, fol. 83 recto.

Druckvorlage:

nach (zeitgenössischem) Registereintrag

Abdruck als:

Volltext

Sprache:

Latein

---

72

Viterbo [1235] November 13 Papst Gregor IX. beauftragt den Bischof der Kumanen und die Pröpste von Bethlen und Csanad, den zwischen dem siebenbürgischen Bischof und einigen Geistlichen schwebenden Streit an den päpstlichen Stuhl zu leiten. [S. 63]

Gregorius episcopus . . . . . venerabili fratri . . episcopo Cumanorum et dilectis filiis . . de Bethleem Ultrasilvanae diocesis et . . Cenadiensi praepositis salutem . . . . . In praesentia venerabilis fratris nostri . . ¹⁾ Prenestrini episcopi, dum in partibus Ungariae legationis officio fungeretur, venerabili fratre nostro . .²⁾ episcopo Ultrasilvano contra Leonem de Dubucha, Gotfridum de Aqua calida, Nicolaum de Cormosbach, Conradum de Venetiis Bernardum de Debran, Hermannum et Gerlacum sacerdotes de Sarcam Ultrasilvanae diocesis, ut idem episcopus asserebat, deponente super obedientia et reverentia quaestionem, ad quas sibi praestandas eos condemnari petebat petitorium intentando, et lite super hiis coram eo legitime contestata et receptis testibus hinc inde productis, idem legatus antequam imponeret finem negotio, ad sedem apostolicam est reversus. Procuratoribus igitur partium propter hoc in nostra praesentia constitutis, eundem Prenestrinum dedimus auditorem. Idem autem partium rationibus intellectis et auditis quae voluere proponere coram ipso, praedictos sacerdotes eidem episcopo in praedictis per diffinitivam sententiam condemnavit, a qua cum ex parte venerabilis fratris nostri . .³⁾ archiepiscopi Strigoniensis fuisset ad nostram audientiam appellatum, nos magistro Albeo suo et J. archidiacono de Tilled partis alterius procuratoribus apud sedem apostolicam constitutis, dilectum filium nostrum O. sancti Nicolai in carcere Tulliano diaconum cardinalem auditorem duximus concedendum, coram quo magister proposuit memoratus, praemissam sententiam in grave ipsius archiepiscopi et ecclesiae suae praeiudicium esse latam, cum iidem sacerdotes sibi et eidem ecclesiae iure diocesano nullo medio sint subiecti, ac in eorum possessione vel quasi subiectionis iidem archiepiscopus et ecclesia existere dignoscantur, quare dicebat executionem ipsius sententiae fieri non debere, cum per eam ius eiusdem ecclesiae non modicum laedetur, procuratore partis alterius id negante. Lite vero coram cardinali praedicto super praemissis legitime contestata, factisque quibusdam positionibus et responsionibus ad easdem, ac nobis per eundem prudenter et fideliter recitatis, nos libellum cum ipsis positionibus et responsionibus vobis sub bulla nostra transmittentes inclusum, discretioni vestrae per apostolica scripta mandamus, quatenus per controversia et receptis probationibus, quas partes voluerint producere coram vobis tam super principali quam super reprobatione testium, si quos alterutra partium legitime duxerit reprobandos et auditis hinc inde propositis, causam si de partium voluntate processerit fine canonico terminetis, facientes quod statueritis auctoritate nostra firmiter observari, alioquin causam ipsam suffi- [S. 64] cienter instructam ad sedem apostolicam remittatis, praefigentes eisdem partibus terminum peremptorium, festum videlicet beati Michaelis proximo venturum, quo per se vel procuratores idoneos cum munimentis et aliis rationibus suis compareant coram nobis, iustam auctore dominó sententiam recepturae. Testes . . . . . Quod si non omnes . . . . . Datum Viterbii, Idibus¹⁾ Novembris, anno nono.


a) Seitenumbruch nach Kopfregest. Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen:1-3 auf S. 63, 1 auf S. 64 (2-3 zu nachfolgender Urkunde).^{^}
[S. 63]
1) Jacobus.^{^}
2) Raynaldus.^{^}
3) Robertus.^{^}
[S. 64]
1) Vorlage: Idus.^{^}