Urkunde Nr. 742 aus Band II

Seite im UB:

156

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

742

1358 Oktober 9 Das Weissenburger Kapitel bezeugt, dass Johann, Sohn Ladislaus von Moyus, an die Adligen von Bethlen den vierten Teil von Szentmarton verkauft hat.

Nos capitulum ecclesiae Transsiluanae significamus tenore praesentium quibus expedit universis, quod Johanne filio Ladislai nobile¹⁾ de Moyus ab una, parte vero ex altera magistro Andrea filio Jacobi filii Apa nobile¹⁾ de Bethleem pro se et pro magistro Jacobo fratre suo uterino ac Gregorio et Apa filiis quondam Johannis filii eiusdem Jacobi filii Apa coram nobis personaliter constitutis per eundem Johannem filium Ladislai nobilem de Moyus confessum exstitit ministerio vivae vocis pariter et relatum, quod ipse rectam quartam partem cuiusdam possessionis suae Scenthmartun vocatae in comitatu de Clus iuxta fluvium Lekenche existentis cum omnibus suis utilitatibus videlicet terris arabilibus, pratis, silvis, aquis et aliis quibuslibet pertinentiis quovis nominis vocabulo vocitatis ad eandem quartam partem dictae possessionis spectantibus pro evitandis quibusdam necessitatibus suis ipsum nunc ad praesens urgentibus praedictis magistris Andreae et Jacobo filiis Jacobi, Gregorio et Apa filiis quondam Johannis filii eiusdem Jacobi nobilibus de Bethlem pro quadraginta marcis quamlibet marcam octuaginta grossis computando, de quibus viginti marcas idem magister Andreas et totidem scilicet similiter viginti marcas praedicti magistri Jacobus, Gregorius et Apa filii Johannis plenarie persolvissent et dedissent, vendidissent, et vendidit coram nobis perpetuo possidendam, tenendam pariter et habendam assumens et obligans se, ut si qui eosdem magistros Andream, Jacobum, Gregorium et Apa, vel ipsorum heredes ratione quartae partis praemissae possessionis Scenthmartun tempore in processu impeterent seu impedirent, ex tunc ipse iam dictos nobiles de Bethlem et eorum heredes propriis suis laboribus et expensis teneretur expedire, praesentes vero, dum nobis reportatae fuerint, in formam literarum nostrarum privilegialium redigi faciemus. Datum quarto die octavarum festi beati Mychaelis archangeli, anno domini M^mo CCC^moa) quinquagesimo octavo. [S. 157]


a) Die hochgestellten Buchstaben nach den Zahlzeichen sind in diesem Band des gedruckten Urkundenbuches differenziert gesetzt, hier stets nach den Zahlzeichen.^{^}

1) Vorlage: nobili [2x].^{^}