Urkunde Nr. 735 aus Band II

Seite im UB:

152

Heute in:

Klausenburg, Bibliothek der Akademie [Biblioteca Academiei Române, Filiala Cluj-Napoca]

Druckvorlage:

nach Original

Abdruck als:

Volltext

Sprache:

Latein

---

735

Szentimre 1358 Mai 4 Dominik, Vizewoiwode von Siebenbürgen, bezeugt, dass Jakob und Genossen, Söhne Michaels von Schmiegen, einerseits und Balad und Genossen, Söhne Thomas von Kleinkend, andererseits sich verpflichtet haben, in Betreff ihres Besitzstreites sich der Entscheidung eines Schiedsgerichtes zu fügen.

Nos Dominicus vicevaivoda Transsiluanus memoriae commendamus, quod magistris Jacobo, Johanne et Symone filiis Mychaelis filii quondam Symonis bani de Sumugyun pro se et pro Petro fratre ipsorum uterino absente absque literis procuratoriis, cuius tamen onus et gravamen penitus ad se assumpserunt, ab una, Balad vero filio Thomae filii eiusdem Symonis bani de Kendhyd similiter pro se et pro Stephano ac Conya fratribus suis absentibus, quorum onera et gravamina similiter ad se assumpsit, parte ab altera coram nobis constitutis confessum exstitit concorditer per eosdem pariter et relatum, quod ipsi in facto divisionis possessionum ipsorum, quo contra sese litis materiam suscitare voluissent, ad arbitrium octo proborum et nobilium virorum modo infra declarato se submisissent ac submiserunt coram nobis isto modo, quod quidquid iidem octo probi et nobiles viri per partes adducendi in octavis festi Penthecostes nunc proxime venturis¹⁾ in villa Ozd coram iudicibus nobilium comitatus de Kykullew visis literarum per partes inibi exhibendarum continentiis²⁾ in facto divisionis praedictae inter partes arbitrati exstiterint, ambae partes acceptare teneantur tali conditione mediante, quod si qua partium aliquas literas vel literalia munimina inibi non exhiberet vel quoquomodo retineret, amplius cassae, viribus cariturae exhibitoribusque earundem nociturae relinquantur,³⁾ et si qua partium ipsum arbitrium non acceptaret, ex tunc contra partem alteram in sex marcis remaneat et convincatur ipso facto, et tandem seriem ipsius arbitrii in literis praedictorum iudicum nobilium ad quartum diem praedictarum octavarum⁴⁾ praedictae partes nobis reportare teneantur. Datum in sancto Emerico, quarto die octavarum festi beati Georgii martyris, anno domini M^mo CCC^mo L^{mo a)}octavo.


a) Die hochgestellten Buchstaben nach den Zahlzeichen sind in diesem Band des gedruckten Urkundenbuches differenziert gesetzt, hier über dem Zahlzeichen, letztes nach dem Zahlzeichen hoch ohne Abkürzungssstrich.^{^}

1) Mai 27.^{^}
2) Hierauf durchgestrichen: arb.^{^}
3) Hierauf durchgestrichen: vel.^{^}
4) Mai 30.^{^}