Urkunde Nr. 731 aus Band II

Seite im UB:

148-149

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

731

Thorenburg 1358 Februar 6 Andreas, Woiwode von Siebenbürgen, bezeugt das zwischen dem siebenbürgischen Bischof Dominik und dem siebenbürgischen Adel in Betreff des Zehntens getroffene Übereinkommen.

[S. 149] Nos Andreas vaivoda Transsiluanus et comes de Zonuk significamus tenore praesentium quibus expedit universis, quod cum nos secunda feria proxima post festum conversionis beati Pauli apostoli¹⁾ ominum partis Transsiluanae Tordae congregationem celebrassemus generalem, tandem venerabili in Christo patre domino Dominico dei et apostolicae sedis gratia episcopo Transsiluano ab una parte, ab alia vero eisdem nobilibus universis partis Transsiluanae coram nobis in eadem congregatione constitutis confessum exstitit per eundem dominum episcopum et nobiles ante dictos concorditer pariter et relatum, quod cum super decimis, perceptione et iuribus earundem inter praedictum dominum episcopum et nobiles praenotatos disceptatio et discordia mota et exorta exstitisset, tamen idem dominus episcopus petitionibus nostris et nobilium ante dictorum paternali favore annuens hanc gratiam et praerogativam in nostri praesentia fecit nobilibus praenotatis, quod anno in praesenti ab illis nobilibus, in quorum possessionibus ecclesiae sunt quartanariae, recipiet et tollet decimas suas memoratus dominus episcopus et capitulum suum, sicut iidem nobiles et alii comites hactenus iuxta eorum voluntatem dederunt et persolverunt, aliis autem annis et temporibus futuris praedictas decimas cum omni plenitudine iuris eidem domino episcopo et suo capitulo dimittent, restituent et resignabunt plene et integre percipiendas et tollendas, sicut divini iuris dispositione eaedem decimae ad ecclesiam dignoscuntur pertinere, tali modo, quod si ullo umquam tempore praenotati nobiles, comites vel alii homines communes, in quorum possessionibus decimae sunt quartanariae, ipsas decimas in toto vel in parte absque voluntate praenotati domini episcopi et sui capituli ac procuratorum et locatorum decimarum earundem²⁾ occuparent, perciperent, tollerent vel quoquomodo se intromitterent de eisdem, tunc universi nobiles praefatae partis Transsiluanae nobilibus, comitibus et aliis nobilibus occupatoribus, detentoribus decimarum praedictarum auxilio, consilio et favore non assistunt et se a consortio ac societate praenominatorum nobilium et comitum, qui decimas domini episcopi et sui capituli occupassent, vel vellent occupare, omnino se retraherent et eximerent ac ex tunc prout ex nunc saepe fatos nobiles et comites decimas praescripti domini episcopi et sui capituli indebite et potentialiter occupari et detineri affirmarent et confiterentur tempore et loco opportunis et nos etiam testimonium ubi necesse fuerit super praemissa compositione et ordinatione exhibebimus ad requisitionem domini episcopi et sui capituli praenotatorum. Super decimis autem sub cutello taliter exstitit ordinatum, quod pro singulis capetiis singulos decem denarios de moneta quae nunc currit vel de alia moneta nova domini regis quae incipiet currere persolvent, donec dominus noster rex super ipsis decimis disponet quantum solvere teneantur, cui quidem ordinationi et dispositioni nobiles et comites quartenarii personaliter consensum et assensum praebuerunt se ad praemissa omnia obligando. Datum Tordae, tertia feria proxima post festum purificationis virginis gloriosae, anno domini M^mo CCC^moa) quinquagesimo octavo. [S. 150]


a) Die hochgestellten Buchstaben nach den Zahlzeichen sind in diesem Band des gedruckten Urkundenbuches differenziert gesetzt, hier stets über den Zahlzeichen.^{^}

1) Januar 29.^{^}
2) Vorlage: eorundem.^{^}