Urkunde Nr. 724 aus Band II

Seite im UB:

142-143 ^a)

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach Original

Abdruck als:

Volltext

Sprache:

Latein

---

724

1357 Juni 20 Das Grosswardeiner Kapitel schaltet die Urkunde des Königs Ludwig I. von 1357 Nr. »719 ein und berichtet dem Könige, dass gemäss gepflogener Untersuchung die Burg Zenthmyhalkewe dem Weissenburger Kapitel gehöre.

Nos capitulum ecclesiae Waradyensis tenore praesentium significamus quibus expedit universis, quod nos literas excellentissimi principis domini Lodouici dei gratia illustris regis Hungariae recepimus summo cum honore hunc tenorem continentes.(Folgt die Urkunde des Königs Ludwig I. von 1357 Nr. »719.) Nos igitur mandatis eiusdem domini nostri regis obedire cupientes ut tenemur una cum praenominato Leukus de Hedruhfaya¹⁾ nomine ipsius discretum virum magistrum Turul presbyterum rectorem altaris sanctae crucis transmisimus ad praedicta mandata praefati domini nostri regis fideliter exequenda. Qui demum ad nos reversi et per nos requisiti nobis concorditer retulerunt, quod ipsi in dictis partibus Transiluanis undique procedendo ab omnibus nobilibus, Siculis et Saxonibus aliisque cuiusvis status et conditionis hominibus eiusdem partis in tribus congregationibus universitati nobilium, Siculorum et Saxonum dictae partis Transiluanae Tordae, in Oduarhel et in Cybinio diversis in terminis pro quibusdam negotiis eorundem arduis proclamative celebratis facta diligenti inquisitione palam et occulte communiter et sigillatim talem de praemissis comperissent veritatem, quod praedictum castrum Zenthmyhalkewe vocatum intra metas possessionum eiusdem capituli ecclesiae Transiluanae situm foret, ex eoque semper et ab antiquo cuius memoria non exstaret ad eandem ecclesiam et per consequens ad capitulum eiusdem ecclesiae pertinuisset et nunc deberet pertinere, quod quidem castrum olim idem dominus Andreas episcopus eiusdemque piae recordationis praedecessores indebite occupassent et detinuissent occupatam eodemque domino [S. 143] Andrea episcopo sicut deo placuit migrante ab hac vita idem dominus Andreas vaivoda iura impetendo ecclesiastica iam dictum castrum manu occupativa¹⁾ usurpando oppressa aequitate se in ipsum castrum intromittere veritus non fuisset in detrimentum ipsius capituli ecclesiae Transiluanae non modicum et iacturam. Et haec omnia praemissa memorati nobiles, Siculi et Saxones aliarumque conditionum homines, a quibus investigatum fuisset, ad fidei earum constantiam deo debitam fidelitatemque eorum regiae maiestati suaeque sacrae coronae²⁾ conservandam uniformiter³⁾ affirmassent. Datum feria tertia proxima ante festum nativitatis beati Johannis baptistae, anno supra dicto.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1 auf S. 142, 1-3 auf S. 143 (4 zu nachfolgender Urkunde).^{^}
[S. 142]
1) In dem zweitgenannten Original von 1357: Hedrafaya.^{^}
[S. 143]
1) In dem sweitgenannten Original von 1357: occupatoria.^{^}
2) Hierauf: regiae.^{^}
3) In dem zweitgenannten Original von 1357: conformiter.^{^}