Urkunde Nr. 720 aus Band II

Seite im UB:

138

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

720

Szentimre 1357 Mai 5 Dominik, Vizewoiwode von Siebenbürgen, ersucht das Weissenburger Kapitel bei der Einführung Jakobs, Sohn Thomas' von Rapolth, in die Besitzung Tamaspataka mitzuwirken.

Discretis viris et honestis honorabili capitulo ecclesiae Transsiluanae dominis et amicis suis reverendis Dominicus vicevaivoda Transsiluanus amicitiam paratam debito cum honore. Dicit nobis magister Jacobus filius Thomae de Rapolth, quod quaedam possessio Thamaspataka vocata in comitatu de Hunyad habita, per magistrum Nicolaum dictum Malach et Gregorium fratrem suum sibi titulo impignorationis tradita apud manus suas haberetur, ad quam legitime velut ad ius suum impignoratitium vellet introire et eadem sibi statui deberet iuris ordine observato. Super quo vestrae discretionis amicitiam praesentibus petimus reverenter, quatenus vestrum mittatis hominem pro testimonio fide dignum, quo praesente magister Gyrk filius Andreae de Folth vel Petew filius Tiburcii de Bachy aut Michael filius Gyurk de Kemend aliis absentibus homo noster accedat ad faciem dictae possessionis Thamaspataka convocatisque vicinis et commetaneis eiusdem universis et eisdem praesentibus introducat ipsum magistrum Jacobum ad eandem statuatque ipsam eidem tamquam ius suum impignoratitium per eundem possidendum, si non fuerit per quempiam contradictum, contradictores vero, si qui fuerint, citet contra eundem magistrum Jacobum ad nostram praesentiam ad terminum competentem rationem contradictionis ipsorum reddituros, et post haec seriem ipsius introductionis et statutionis et si necesse fuerit nomina citatorum, diem et locum citationis cum termino assignato nobis amicabiliter rescribatis. Datum in sancto Emerico, quinto die octavarum festi beati Georgii martyris, anno domini M^o CCC^mo L^moa) septimo.

Auf der Rückseite Adresse: Discretis viris et honestis honorabili capitulo ecclesiae Transsiluanae dominis et amicis suis reverendis.


a) Die hochgestellten Buchstaben nach den Zahlzeichen sind in diesem Band des gedruckten Urkundenbuches differenziert gesetzt, hier: erstes hoch nach dem Zahlzeichen, zweites über den Zahlzeichen, letztes nichthoch ohne Abkürzungssstrich.^{^}