Urkunde Nr. 712 aus Band II

Seite im UB:

132

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach Original

Abdruck als:

Volltext

Sprache:

Latein

---

712

Wissegrad 1357 Januar 26 König Ludwig I. untersagt Andreas, dem Woiwoden von Siebenbürgen, die Jobagionen und Servientes des Weissenburger Kapitels vor sein Gericht zu ziehen und von ihnen Abgaben zu erheben.

Lodouicus dei gratia rex Hungariae fideli suo magnifico viro Andreae vaivodae Transsiluano comiti de Zonuk salutem et gratiam. In personis fidelium nostrorum capituli ecclesiae Albensis Transsiluanae dicitur nobis dolorose, quod vos iobagiones et servientes ipsorum impossessionatos contra eorum libertatem iudicio vestro astare compelleretis et eosdem iudicandos fecissetis registrari allegantes ipsos dicta gratia per nostram maiestatem privatos exstitisse. Unde cum ipsi fideles nostri capitulum Albensis ecclesiae more aliorum virorum ecclesiasticorum regni nostri praefata gratia dicati et per nos nullo modo eadem privati fore dignoscantur, fidelitati vestrae firmo regio sub edicto damus in mandatis, quatenus praefatos fideles nostros capitulum ecclesiae Transsiluanae huiusmodi gratia, ut universos iobagiones et famulos impossessionatos eorundem possint iudicare, gratulari permittatis nec contra formam praefatae gratiae eorum iobagiones et impossessionatos famulos ipsorum iudicio vestro astare compellatis, praeterea nec etiam descensum ab eisdem et victualia extorqueatis et recipiatis, ut fecisse dicimini usque modo, aliud intuitu nostrae gratiae non facturi in praemissis. Datum in Vyssegrad, secundo die festi conversionis beati Pauli apostoli, anno domini millesimo CCC^mo. L^moa) septimo. Praesentes tamen reddi iubemus praesentanti.¹⁾ Datum ut supra.


a) Die hochgestellten Buchstaben nach den Zahlzeichen sind in diesem Band des gedruckten Urkundenbuches differenziert gesetzt, hier im UB über dem Zahlzeichen, letztes nichthoch, Strich über Zahl LX.^{^}

1) Vorlage: praesentandi.^{^}