Urkunde Nr. 709 aus Band II

Seite im UB:

126-130 ^a)

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inventar 58ff.)

Druckvorlage:

nach Einschaltung (Insert)

Abdruck als:

Volltext

Sprache:

Latein

---

709

Szentimre 1356 Dezember 11 Dominik, Vizewoiwode von Siebenbürgen, ersucht den Kolozsmonostorer Konvent, bei der Einführung des Magisters Peter, Sohn Syberkh's, und Genossen in den Besitz von Lechnitz mitzuwirken.

Amicis suis viris religiosis conventui ecclesiae beatae virginis de Clusmunustra Dominicus vicevaivoda Transsiluanus amicitiam paratam debito cum honore. Noverit amicitia vestrae discretionis, quod magister Petrus literatus filius Syberkh notarius ecclesiae vestrae praedictae sua item Mathyae filii Isaak et Galli filii Benedicti suorum proximorum in personis ipsis etiam personaliter adhaerentibus iuxta continentiam literarum magnifici viri domini Andreae vaivodae Transsiluani et comitis de Zonuk domini nostri proroga- [S. 127] toriarum formamque iudicii eiusdem exprimentium in octavis festi beati Andreae apostoli proxime nunc praeteritis¹⁾ ad nostram accedendo praesentiam exhibuit nobis primo et principaliter literas vestras rescriptionales in facto recaptivationis possessionis ipsorum eraptitiae Lekence vocatae in comitatu de Doboka prope fluvium Lekence a parte oriental[i] existentis, emanatas in anno domini M^mo C^o. C^o. C^o quinquagesimo primo, quondam magnifico viro domino Thoma tunc vaivodae Transsiluano loquentes. Inter cetera vidimus contineri, quod ipsi dictam possessionem Lekence in praesentia Nicolai filii Mychaelis de Fata hominis ipsius domini vaivodae sub vestri hominis testimonio videlicet religiosi viri fratris Johannis recaptivassent recaptivatamque dum eandem vicinis et commetaneis suis universis legitime convocatis et eisdem praesentibus praenominatis magistro Petra, Mathyae et Gallo eo iure, quo ad ipsos dignoscitur pertinere, statuere voluissent perpetuo possidendam per eosdem, Jacobus filius Nicolai et Johannes filius Laurencii pro se et pro Nicolao fratre suo, item Stephanus, Blasius et Ladislaus filii Stephani in statutione praemissa ipsis contradictores exstitissent, quos ibidem contra eosdem magistrum Petrum, Mathyam et Gallum cum omnibus ipsorum instrumentis, quibus mediantibus eandem possessionem tenuissent et possedissent, ad octavas diei medii quadragesimae tunc affuturas^{2) b)} ad praesentiam eiusdem domini Thomae vaivodae citavissent. Exhibuit etiam in instanti duo paria literarum prorogatoriarum Egidii tunc vicevaivodae eiusdem domini Thomae vaivodae in anno praemisso emanatarum, in quibus reperiebatur, quod de ipsis octavis diei medii quadragesimae²⁾ ad octavas festi Penthecostes,³⁾ dehinc ad octavas festi beati Jacobi apostoli⁴⁾ post sese succedentes ipsa causa protelata exstitisset. Praeterea idem magister Petrus exhibuit quasdam alias literas prorogatorias eiusdem Egidii vicevaivodae, in quibus ipsam causam in facto possessionis Lekence praenotatae pro eo, quia praelibati Stephanus, Blasius et Ladislaus filii Stephani pueri essent et in tenera aetate constituti fore dignoscebantur, pro se ipsis in ipsorum causa commode respondere et non potuissent, de ipsis octavis festi beati Jacobi apostoli⁴⁾ usque revolutionem sex annorum integrorum successive computatorum⁵⁾ prorogatam fore prospeximus manifeste. Tandem completa revolutione sex annorum dictorum integrorum⁵⁾ praedicto domino nostro Andrea vaivoda gratia divina cooperante ac de benivolentia serenissimi principis domini Lodouici dei gratia illustris regis Hungariae sub culmine vaivodatus adepto nobisque vices gerentibus ac vice suae personae iudicantibus praetactus magister Petrus sua ac praedictorum proximorum suorum in personis produxit quasdam literas nostras prorogatorias in anno praesenti emanatas, in quibus inter cetera prospeximus contineri, quod praescripti Mathyas filius Isaak, Petrus filius Siberk et Gallus filius Benedicti actores, item Jacobus filius Nicolai et Nicolaus filius Laurencii, Stephanus, [S. 128] Blasius et Ladislaus filii Stephani de Lekence ad causam attracti iuxta continentiam praescriptarum literarum prorogatoriarum ipsius Egidii vicevaivodae quarto die octavarum festi beati Jacobi apostoli anno in praesenti transacti¹⁾ in ipsorum causa praedicta coram nobis comparere debuissent. Ipso itaque termino¹⁾ occurrente idem magister Petrus filius Syberk pro se personaliter pro annotatis vero suis proximis cum sufficientibus literis procuratoriis ab una, item Jacobus filius Nicolai, Johannes filius Laurencii, Stephanus, Blasius et Ladislaus filii Stephani memorati excepto Nicolao filio Laurencii, qui non venisset nec aliquem pro se misisset responsalem parte ab altera coram nobis personaliter comparendo, licet idem magister Petrus sua ac praedictorum fratrum suorum in personis duo privilegia honorabilis capituli ecclesiae Transsiluanae in facto praemissae possessionis Lekence iuxta dictum fluvium Lekence sitae confecta exhibuerit et in quarum unius tenoribus conspeximus, quod Nicolaus filius Zegeu pro se et pro Johanne fratre suo quandam terram ipsorum hereditariam Lekence vocatam iuxta aquam Lekence a parte orientali secundum cursum ipsius aquae adiacentem ex permissione et bona voluntate Dominici filii Nicolai cognati et commetanei sui Hermano civi Bistriciensi procuratori videlicet domus hospitalis de eadem et per eum suis heredibus heredumque suorum successoribus pro sedecim marcis argenti terrestris ab eodem Hermano plene habitis et receptis vendidisset perpetuo et irrevocabiliter per eosdem possidendam. In alterius vero privilegii tenoribus expressum exstitisset, quod idem Hermanus coram dicto capitulo comparendo dictam terram suam Lekence vocatam ut praemittitur iuxta fluvium Lekence secundum cursum eiusdem aquae a parte orientis adiacentem a Nicolao filio Zegeu emptitiam de bona voluntate eiusdem Nicolai personaliter adstantis cum omnibus suis utilitatibus et pertinentiis sub eisdem metis et terminis, quibus eam emisset et possedisset, Mathyae filio Amadei et fratribus suis videlicet Benedicto, Abreae et Isaak et per eos successoribus eorundem pro triginta marcis per ipsum Hermanum plene receptis vendidisset perpetuo per eosdem et irrevocabiliter possidendam. Ipsis itaque privilegiis perlectis et intellectis tamen parte adversa instrumenta literalia, quibus mediantibus dictam possessionem Lekence tenuissent et possedissent et nunc tenerent et possiderent, per nos et per ipsum magistrum Petrum actorem requisita exhibere prout debebant et tenebantur non curante scilicet terminum ulteriorem ad exhibendum eadem cum suo gravamine postulante, ipsam causam ad congregationem generalem domini nostri vaivodae cum gravamine iudicii trium marcarum per partem in causam attractam ante litis ingressum deponendarum cum instrumentorum exhibitione partis eiusdem duxeramus prorogandam. Ceterum exhibuit idem magister Petrus sua et eorundem proximorum suorum in personis literas prorogatorias eiusdem domini nostri vaivodae in sua congregatione generali anno in praesenti Tordae celebrata confectas in quibus inter alia reperiebatur, quod licet partes praedictae excepto praedicto Nicolao, qui similiter ut prius non venisset neque misisset, coram eodem domino nostro vaivoda et in ipsa sua congregatione generali comparuerint, tamen praenominati Jacobus, Johannes, Stephanus, Blasius et La- [S. 129] dislaus ipsorum instrumenta praemissa exhibere non curassent et noluissent sed simplicibus verbis se ipsos tuendo terminum ulteriorem ad exhibendum ipsorum instrumenta postulassent. Itaque dominus noster vaivoda licet in praeiudicium partis adversae ipsam causam cum gravamine sex marcarum iudicii per partem in causam attractam ante litis ingressum deponendarum ad octavas festi beati Andreae apostoli proxime nunc praeteritas¹⁾ ad sanctum Emericum duxisset prorogandam. Ipsis itaque octavis beati Andreae apostoli occurrentibus¹⁾ iuxta continentiam earundem literarum prorogatoriarum eiusdem domini nostri vaivodae ut praescriptum est, licet ipse magister Petrus filius Syberk, Mathyas filius Isaak et Gallus filius Benedicti coram nobis in ipsorum causa praedicta comparuerint, tamen praenominati Jacobus filius Nicolai, Johannes filius Laurencii et Nicolaus frater eiusdem, Stephanus, Blasius et Ladislaus filii Stephani non venerunt nec aliquem vel aliquos pro se ipsis mittere curaverunt. Unde nos una cum regni nobilibus nobis in sede iudiciaria consedentibus et iudicantibus visis praescriptarum literarum et instrumentorum continentiis praenominatam possessionem Lekence iuxta fluvium Lekence sitam cum omnibus suis utilitatibus et pertinentiis universis eisdem magistro Petro, Mathyae et Gallo prout ipsorum ius adiudicavimus et commisimus per eosdem perpetuo et irrevocabiliter possidendam, tenendam pariter et habendam, praelibatis vero Jacobo filio Nicolai, Johanni et Nicolao filiis Laurencii, Stephano, Blasio et Ladislao filiis Stephani in facto possessionis praemissae perpetuum silentium imponendo, universa etiam ipsorum instrumenta, si quae in facto ipsius possiderent et haberent emanata, quia numquam in processu dictae causae eadem exhibere curaverunt, cassa reddidimus et man[datorum] viribus prorsus caritura immo et suis exhibitoribus commisimus fore nocitura. Cum igitur ad statuendam praedictam possessionem Lekence vocatam ipsis magistro Petro, Mathyae et Gallo faciendam vester et noster homines necessario debeant transmitti, vestram igitur amici[tiam] praesentibus requirimus reverenter, quatenus vestrum mittatis hominem pro testimonio fide dignum, quo praesente Nicolaus filius Hermani de sancto Georgio vel Johannes filius Demetri de Galaz aut Johannes filius Welkun sive Johannes filius Iwanka de Ews aliis absentibus homo noster accedat ad faciem ipsius possessionis Lekence iuxta fluvium Lekence a parte orientis secundum cursum ipsius aquae adiacentis vicinis et commetaneis eiusdem universis legitime convocatis et eisdem praesentibus eandem reambulet per veteres suas metas et antiquas novas metas iuxta veteres, ubi et in quibus locis necesse fuerit, erigendo reambulatamque et ab aliorum possessionibus undique separatam et distinctam contradictione Jacobi filii Nicolai, Johannis et Nicolai filiorum Laurencii, Stephani, Blasii et Ladislai filiorum Stephani non obstante, statuat eandem cum suis utilitatibus et pertinentiis quibuslibet eisdem magistro Petro filio Syberkh, Mathyae filio Isaak et Gallo filio Benedicti eo iure, quo ad ipsos dignoscitur pertinere, per eosdem perpetuo et irrevocabiliter possidendam, tenendam pariter et habendam, si per quospiam alios non fuerit contradictum, contradictores vero si qui alii [S. 130] fuerint contra eosdem magistrum Petrum, Mathyam et Gallum ad nostram citet praesentiam ad terminum competentem rationem contradictionis ipsorum, cum in processu ipsius causae nullus contradictor apparuit, peremptorie reddituros. Et tandem seriem ipsius possessionariae statutionis cum cursibus metarum et si qui fuerint nominibus citatorum, diem et locum ac terminum assignatum nobis in vestris literis rescribatis. Datum in sancto Emerico, quinto die octavarum festi beati Andreae apostoli praenotatarum, anno domini M^mo C^o C^o C^o quinquagesimo sexto.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-5 auf S. 127, 1 auf S. 128 und 1 auf S. 129.^{^}
b) Im UB verdruckt 3).^{^}
[S. 127]
1) Dezember 7.^{^}
2) 1351 März 30 [2x].^{^}
3) Juni 12. ^{^}
4) August 1 [2x]. ^{^}
5) 1356 August 1 [2x]. ^{^}
[S. 128]
1) August 4. [2x] ^{^}
[S. 129]
1) Dezember 7 [2x]. ^{^}