Urkunde Nr. 708 aus Band II

Seite im UB:

125-126

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

708

1356 November 25 Das Weissenburger Kapitel bezeugt, dass Hennyng und Nikolaus, Söhne Holman's von Marktscheiken, an Comes Christian, Sohn Alard's von Kleinschelken, die Besitzung Egurwar pathaka verkauft haben.

Capitulum ecclesiae Transsiluanae omnibus Christi fidelibus tam praesentibus quam futuris praesentem paginam inspecturis salutem in omnium salvatore. Ad universorum notitiam harum serie volumus pervenire, quod Hennyng et Nicolao filiis Holmani de Selk ab una, parte vero ex altera comite Cristiano filio Alardi de Sarselk coram nobis personaliter constitutis confessum exstitit per praedictos Hennyngh et Nicolaum pariter et relatum, quod ipsi quandam possessionem ipsorum Egurwarpathaka vocatam inter [S. 126] possessionem Zepmezew et Kukullew existentem per dominum Karulum quondam regem Hungariae felicissimae recordationis mediantibus suis literis privilegialibus praedicto Holmano patri ipsorum datam et collatam cum omnibus utilitatibus suis et pertinentiis quibuslibet pro sublevandis quibusdam necessitatibus ipsorum eosdem nunc ad praesens urgentibus praedicto comiti Cristiano et per eum suis heredibus pro ducentis marcis fini argenti ut dixerunt plene persolutis vendidissent et vendiderunt coram nobis perpetuo et irrevoeabiliter possidendam, tenendam pariter et habendam, memoratas etiam literas privilegiales dicti domini Karoli, quarum vigoribus praelibatam possessionem Egurwarpathaka possedisse et tenuisse dignoscuntur, ad manus dicti comitis Cristiani resignandas,¹⁾ si¹⁾ iidem Hennynh et Nicolaus reservarent vel reservassent, cassas, vanas ac viribus carituras ipsi Hennyngh et Nicolaus commiserunt coram nobis obligantes se et eorum heredes, quod si qui praedictum Cristianum vel posteritates eiusdem praetextu dictae possessionis temporis in processu impeterent vel impedirent, tunc²⁾ ab eisdem³⁾ impetitoribus propriis laboribus et expensis ubique ipsum comitem Cristianum et eorum posteritates per omnia expedirent, ad quod se et eorum heredes praedicti filii Holmani firmiter obligarunt. In cuius rei memoriam perpetuamque firmitatem praesentes literas nostras privilegiales pendentis et authentici sigilli nostri munimine roboratas eidem comiti Cristiano duximus concedendas. Datum in festo beatae Katerinae virginis et martyris, anno domini millesimo C^o C^o C^o quinquagesimo sexto. Discretis viris Dominico praeposito et electo, Lorando custode, Mychaele cantore, Nicolao archidiacono de Clus decano ecclesiae nostrae existentibus.


1) Fehlt in der Vorlage [2x].^{^}
2) Über der Zeile nachgetragen.^{^}
3) Hierauf über der Zeile nachgetragen, aber gestrichen: tunc.^{^}