Urkunde Nr. 699 aus Band II

Seite im UB:

115-116

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

699

1355 November 7 Das Weissenburger Kapitel bezeugt, dass die Wittwe Johanns von Salzburg und ihre Töchter das ihnen gehörige Viertteil der Besitzung Ringelkirch an Andreas von Kelling und dessen Brüder verkauft haben.

Capitulum ecclesiae Transsiluanae omnibus Christi fidelibus tam praesentibus quam futuris praesentem paginam inspecturis salutem in omnium salvatore. Cum mundi labilis conditio sit caduca et gestae rei memoria propter vitam brevem hominum caligine oblivionis offuscata nequeat in aevum perdurare, provida solitudo adinvenit, ut quae in tempore geruntur, ne simul labantur cum eodem tempore, literarum testimonio solidentur. Proinde ad universorum notitiam harum serie volumus pervenire, quod [S. 116] domina relicta Joannis filii Alardi de Vizakna ac Dorothea et Martha filiae eiusdem ab una, parte vero ex altera Andrea filio comitis Nicolai filii Salomonis de Kelnuk pro se ac pro Stephano, Salomone, Mychaele et Nicolao fratribus suis uterinis coram nobis personaliter constitutis per eandem dominam relictam Johannis, Dorotheam et Martham filias eiusdem sponte confessum exstitit ministerio vivae vocis pariter et relatum, quod cum ipsae in praesentia magnifici viri domini Nicolai Konth vaivodae Transsiluani¹⁾ contra praedictos filios Nicolai in viginti sex marcis argenti ordine iudiciario convictae exstitissent, tunc pro ipsis viginti sex marcis per eosdem filios Nicolai praedicto domino vaivodae pro ipsis persolutis cum etiam pro viginti quinque marcis argenti plene datis et receptis videlicet in toto quinquaginta una marcis quandam possessionariam portionem ipsarum in possessione Regulkyrh vocata habitam easdem de iure contingentem videlicet rectam quartam partem eiusdem possessionis vendidissent, immo vendiderunt praefatis filiis Nicolai filii Salomonis perpetuo et irrevocabiliter possidendam, tenendam pariter et habendam coram nobis nulluni ius nullamque proprietatem a modo deinceps sibi in eadem reservando sed omne dominium et quaslibet proprietates in ipsos filios Nicolai penitus et per omnia transferendo, assumentes eosdem filios Nicolai ab omnibus praetextu dictae possessionariae portionis temporis in processu impetere volentibus ubique propriis eorum laboribus et expensis expedire. In cuius rei memoriam praesentes literas nostras privilegiales pendentis et authentici sigilli nostri munimine roboratas eisdem filiis Nicolai duximus concedendas. Datum Sabbato proximo ante festum beati Martini confessoris, anno domini M^mo CCC^mo quinquagesimo quinto. Discretis viris Dominico praeposito, Lorando custode, Mychaele cantore et Nicolao archidiacono de Clus ac decano ecclesiae nostrae praedictae existentibus.


1) Vorlage: Transsiluanae.^{^}