Urkunde Nr. 694 aus Band II

Seite im UB:

110-111 ^a)

Heute in:

Hermannstadt, Zentralarchiv der evangelischen Kirche A. B. in Rumänien

Heutige Signatur:

Abteilung 6: Sammlungen / Selecta, Best. 610 (Urkunden von Behörden und Gemeinden) Nr. 26.

Druckvorlage:

nach Original

Abdruck als:

Volltext

Sprache:

Latein

---

694

1355 Juli 14 Die Sieben Stühle bestätigen, dass die Gemeinde Mergeln im rechtmässigen Besitz des Gebietes Widental steht und dafür ein halbes Zahlhaus übernommen hat. [S. 111]

Nos universi provinciales sedis Cybiniensis ac aliarum septem sedium universi provinciales ad eandem sedem Cybiniensem pertinentes memoriae commendantes significamus universis quibus expedit praesentium per tenorem, quod quidam anni sunt transacti, quod consideravimus numerationem domorum numeralium villarum regalium ex parte census regalis et quingentarum hastarum incongrue stare et esse. Unde ad mutandum hoc misimus quosdam¹⁾ probos viros seniores nostros cum auctoritate nostra aliam numerationem ipsarum domorum numeralium congruam et condignam faciendam, dantes etiam eisdem reambulatoribus auctoritatem, quod quidquid ipsi aliud ordinarent et donarent quod congruum esset, quod hoc ita perpetue deberet permanere. Tum dicti reambulatores venerunt in Mergental, ibi viderunt ipsi unum fundum Widental, quem fundum considerantes ipsis de Mergental adiacentem simulque de iure pertinere, unde praefati reambulatores eundem fundum auctoritate nostra et verbo nostro ipsis de Mergental in filios filiorum ipsorum et iure hereditario perpetue commiserunt et dederunt absque quam raubet personarum impedimento. Sed datum fuit nobis intelligi, quod isti populi de Noua villa et de Nythausen, Hundertpuch,²⁾ Selgestat eosdem populos de Mergental in eodem fundo contra ipsam donationem nostram nituntur aggravare et impedire, quod nequaquam fieri permittemus, quia quod ipsi reambulatores verbo nostro et auctoritate nostra et iussu nostro dederunt, volumus utique quod perenniter perseveret, prout etiam superius prius est expressum et pro eodem dato fundo dictis populis de Mergenta³⁾ media domus numeralis est adiuncta et data serviendi ad censum regalem quem antea habuerunt. Unde hanc poenam constituimus, quod quicumque illi fuerint qui dictos populos de Mergental in ipso fundo contra ipsam donationem nostram aggraverint vel impediverint, quoties hoc fecerint toties iidem quinquaginta marcas argenti pro contumacia solvere tenebuntur. Quod autem praemissus tenor gratus et ratus et irrefragabiliter perpetue observetur, ad maiorem igitur huius rei memoriam plenioremque firmitatem praesentibus literis sigillum nostram duximus appendendum. Datum in proxima tertia feria post festum beatae Margareta, anno M^o CCC^mo quinquagesimo quinto.


a) Seitenumbruch nach Kopfregest.^{^}
b) Im UB Abbildung des Siegels der Hermannstädter Provinz an dieser Urkunde auf Tafel VII, Bild 24; unten als »Abb. ^{^}

1) Vorlage: quodam.^{^}
2) In der Vorlage ist der Schaft des zweiten h. durchstrichen,^{^}
3) Hierauf: est.^{^}

Abb.