Urkunde Nr. 680 aus Band II

Seite im UB:

99

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach Original

Abdruck als:

Volltext

Sprache:

Latein

---

680

Ofen 1353 Juli 13 König Ludwig I. beauftragt das Weissenburger Kapitel, bei der Einführung des Priors Baudunus Cornuti und des Konventes der Kreuzträger in die Besitzung Retersdorf mitzuwirken.

Lodouicus dei gratia rex Hungariae fidelibus suis capitulo ecclesiae Albensis Transsiluanae salutem et gratiam. Dicitur nobis in personis religiosi viri fratris Bauduny Cornuti prioris cruciferorum sancti Johannis Jerusalemitani per Hungariam et Sclauoniam et sui conventus, quod possessio Reter vocata in terra Transsiluana in pertinentiis sedis de Segeswar existens ipsorum esset et omni iure ad ipsos pertineret, quam nunc Nicolaus de Hegny indebite detineret occupatam, quae recaptivatione indigeret. Quare fidelitati vestrae firmiter praecipiendo mandamus, quatenus vestrum mittatis hominem pro testimonio fide dignum, quo praesente Petrus de Tyla vel Nicolaus filius Nicolai de Gerend aut Petrus de eadem sive Johannes de Tur seu Michael filius Salamonis aut Michael filius Hennyng aliis absentibus homo noster praedictam possessionem praesentibus vicinis et commetaneis eiusdem legitime recapiat¹⁾ nomine iuris eorundem et statuat eisdem iure quo ad ipsos dignoscitur pertinere perpetuo possidendam si non fuerit contradictiim, contradictores vero si qui fuerint citet ad nostram praesentiam ad terminum competentem et post haec seriem ipsius statutionis et²⁾ totius²⁾ finem²⁾ nobis fideliter rescribatis. Datum Budae, in festo beatae Margarethae virginis et martyris, anno domini M^o. CCC^mo L^mo tertio.

Auf der Rückseite von demselben Schreiber: Fidelibus suis capitulo ecclesiae Albensis Transsiluanae pro religioso viro fratre Bauduno Cornuti priore cruciferorum et suo conventui recaptivatoria. [S. 100]


1) Verbessert aus: recapeat.^{^}
2) Über der Zeile nachgetragen [3x].^{^}