Urkunde Nr. 672 aus Band II

Seite im UB:

87-88 ^a)

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach Original

Abdruck als:

Volltext

Sprache:

Latein

---

672

1352 August 13 Der Kolozsmonostorer Konvent bezeugt, dass Magister Johann und Magister Ladislaus, Söhne Nikolaus' von Doboka, an den siebenbürgischen Bischof Andreas die Besitzung Maro verpfändet haben.

Nos conventus ecclesiae beatae virginis de Culusmunustura tenore praesentium significamus quibus expedit universis, quod magistro Mychaele archidiacono de Doboka pro venerabili in Christo patre domino Andrea dei et apostolicae sedis gratia episcopo Transsiluano domino suo habente speciale mandatum ad infra scripta ab una, item magistris Joanne et Ladislao filiis Nicolai de Doboka parte ex altera coram nobis personaliter constitutis per eosdem Johannem et Ladislaum magistros propositum exstitit concorditer et relatum, quod ipsi ob quandam ipsorum necessitatem evitandam quandam possessionem ipsorum Morou vocatam in dicto comitatu de Doboka existentem nunc habitatoribus¹⁾ destitutam pro viginti septem marcis argenti Budensis ponderis eidem domino episcopo plene receptis ab eodem et habitis a proxime affuturis octavis festi assumptionis virginis gloriosae²⁾ usque ad revolutionem earundem octavarum annualem³⁾ cum omnibus suis utilitatibus et pertinentiis universis pignori obligassent et obligarunt coram nobis tali modo, quod si [S. 88] in praedicta revolutione ipsarum octavarum annuali¹⁾ dictam ipsorum possessionem pro iam dicta pecuniae quantitate viginti septem marcarum argenti redimere non possent vel non curarent, ex tunc duplum ipsius pecuniae incurrerent ipso facto. Elapsa autem ipsarum octavarum revolutione annuali¹⁾ quandocumque temporum in processu praenominatam ipsorum possessionem Morou vocatam uterque ipsorum vel alter eorundem redimere possent seu redimendi haberent facultatem. Ex tunc pro praedicta pecunia principali viginti septem marcarum et sua dupla ab eodem domino episcopo redimere possent et valerent. Ipse vero dominus episcopus rehabita sua pecunia principali et dupla praescriptam possessionem Morou eisdem restituere teneretur et resignare absque difficultate et dissimulatione aliquali, prout iidem magister Mychael archidiaconus, Johannes et Ladislaus magistri hoc assumpserunt et confessi exstiterunt coram nobis. Datum feria secunda proxima ante praedictum festum assumptionis virginis gloriosae, anno domini M^o. CCC^mo. quinquagesimo secundo.

Auf der Rückseite von einer Hand des 15. Jahrhunderts: Impignoratio super Marow.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-3 auf S. 87, 1 auf S. 88.^{^}
[S. 88]
1) Vorlage: habitoribus.^{^}
2) August 22.^{^}
3) 1353 August 22.^{^}
[S. 88]
1) 1353 August 22 [2x].^{^}