Urkunde Nr. 670 aus Band II

Seite im UB:

86

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach Original

Abdruck als:

Volltext

Sprache:

Latein

---

670

1352 Mai 8 Das Grosswardeiner Kapitel schaltet die Urkunde des Königs Ludwig I. von 1352 Nr. »669 ein und beglaubigt für den siebenbürgischen Bischof die Urkunde des Grosswardeiner Kapitels von 1348 Nr. »632, betreffend Gald und Blutroth.

[C]apitulum¹⁾ ecclesiae Waradiensis universis Christi fidelibus praesens scriptum inspecturis salutem in omnium salvatore. Ad universorum notitiam tam praesentium quam futurorum harum serie volumus pervenire, quod literas serenissimi principis domini Lodouici dei gratia illustris regis Hungariae nobis directas summo cum honore recepimus in haec verba, (Folgt die Urkunde des Königs Ludwig I. von 1352 Nr. »669.) Nos igitur mandatis eiusdem domini nostri regis obedire cupientes ut tenemur praedicta instrumenta supra dicti domini episcopi Transiluani in sacristia et in conservatorio nostro secreto, ubi fuerant deposita et diligenter conservata, reinvenimus reinventaque de verbo ad verbum perlegimus et perlecta transscribi fecimus transscriptumque eorundem pendentis sigilli nostri munimine roborando iuxta mandatum regium transmisimus domino episcopo praenotato. Quorum instrumentorum unius paris tenor per omnia talis est. (Folgt die Urkunde des Grosswardeiner Kapitels von 1348 Nr. »632.) Factaque huiuscemodi transscriptione et transmissione eorundem istrumentorum [domino] episcopo praelibato originalia eorundem instrumentorum r[eposuimus in nostro conservatorio memorato. Datum] in quindenis festi beati Georgii martyris, anno domini M^o CCC^mo quinquagesimo secundo. Discre[tis viris magistris] Philippo praeposito, Benedicto lectore, praefato Ladizlao [cantore, praefato Gregorio custode] canonicis ac magistris ecclesiae nostrae salubriter existentibus.


1) Raum für C leer gelassen.^{^}