Urkunde Nr. 657 aus Band II

Seite im UB:

75-76 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Sammlung Brukenthal [Colecţia Brukenthal] (Inventar 80-125).

Druckvorlage:

nach Abschrift

Abdruck als:

Volltext

Sprache:

Latein

---

657

Rom 1350 März 20 Bischof Jakob und vier andere Bischöfe erteilen der Andreaskirche zu [Henndorf /] Hendorf einen Ablassbrief.

Universis et singulis praesentes literas inspecturis Jacobus dei gratia episcopus Nepesinus, Petrus episcopus Eloronanus, frater Bertrandus episcopus Asisinus, Thomas episcopus Yteranus³⁾ et frater Hugolinus episcopus Sutrinus salutem in domino. Quoniam ut ait apostolus omnes stabimus ante tribunal Christi recepturi prout in corpore gessimus sive bonum fuerit sive malum, oportet nos diem messionis extremae nostri cordis opibus praevenire ac etiam nostrorum intuitu seminarum in terris, quod redemptore domino cum multiplicato fructu recolligere valeamus in caelis firmam fiduciamque tenentes, quoniam qui parce seminat parce et metet et qui seminat in benedictionibus et metet vitam aeternam. Cum igitur ex parte dilectorum filiorum nostrorum Vasmuet, Andreae ac Herberdi villae Henndorff nobis fuerit humiliter supplicatum, ut omnibus venientibus ad ecclesiam sancti Andreae diocesis Albensis⁴⁾ [ ]⁵⁾ velimus indulgentiam [S. 76] exhibere. Nos vero de omnipotentis dei misericordia et beatorum Petri et Pauli apostolorum auctoritate confisi omnibus vere poenitentibus et confessis qui vel quae [visita]verint ecclesiam in ipsius festivitatibus seu etiam sollennitatibus beatae virginis Mariae, nativitate domini, circumcisionis, epiphaniae, resurrectionis, ascensionis, Pentecostes, dedicationis ecclesiae, sanctae crucis, sanctorum angelorum, Joannis baptistae, beatorum Petri et Pauli et omnium apostolorum et evangelistarum ac sanctorum martyrum Stephani et Laurentii, sanctorum doctorum Jeronimi et aliorum doctorum sanctorumque confessorum Nicolai et Martini necnon Mariae Magdalenae, Agnetis, Luciae, Catherinae, Margaritae, Ceciliae, Elisabeth et in festo omnium sanctorum et per eorum octavas, in die animarum et singulis diebus dominicis, ac qui corpus Christi cum portatur infirmis¹⁾ secuti fuerint aut qui serotina pulsatione campanarum ter ave Maria devote dixerint vel quidquam ad fabricam, luminaria et alia dictae ecclesiae necessaria manus porrexerint²⁾ adiutrices, quilibet nostrum quadraginta dies de iniunctis sibi poenitentiis misericorditer in domino relaxamus, dum etiam ad ea diocesanus praebuerit³⁾ assensum. In cuius rei testimonium praesentes literas nostrorum sigillorum fecimus appensione muniri. Datum Romae in palatiis nostris, anno domini millesimo C. C. C. L., pontificatus domini Clementis papae sexti anno⁴⁾ octavo,⁴⁾ indictione tertia, mensis Martii die XX^mo.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 3-5 auf S. 75 (1-2 zu voranstehender Urkunde), 1-4 auf S. 76 (dortige 5-11 zu nachfolgender Urkunde).^{^}
[S. 75]
3) Vorlage: Yteran [Strich über n].^{^}
4) Hierauf: dua villa.^{^}
5) Lücke, 1 Centimeter breit. ^{^}
[S. 76]
1) Vorlage: infimis.^{^}
2) Vorlage: porrexerit.^{^}
3) Vorlage: presbyter.^{^}
4) Fehlt in der Vorlage [2x].^{^}