Urkunde Nr. 640 aus Band II

Seite im UB:

60-61 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie II (Inventar 228), Nr. 1204 - Abt. 39: K. A. Schellenberg [Parohia Ev. CA Șelimbăr], Nr. 2.

Druckvorlage:

nach Original

Abdruck als:

Volltext

Sprache:

Latein

---

640

Hermannstadt 1349 Juli 14 Die Sieben Stühle bezeugen, dass die Gemeinde Schellenberg die rechtmässige Eigentümerin eines von der Gemeinde Heltau beanspruchten Hattertgebietes ist.

Nos Mychael, Nycolaus et Martinus et Conradus comites et iudices de Cybinio, comes Georgius et comes Luprechtus de Rufo monte,¹⁾ comes Cristianus²⁾ de Noua villa, comites Nycolaus et Mychael de Borcperg³⁾ filii comitis Blauus de sede Cybiniensi ceterique provinciales eiusdem sedis, comes Ywanus de superiori Apoldia,⁴⁾ comes Mortyn filius fratris ipsius comitis Ywani, item comes Ywanus de inferiori Apoldia⁵⁾ de sede Ruzmargt⁶⁾ ceterique provinciales de eadem sede, comes Petrus iudex et Nycolaus villicus de Mulbach⁷⁾ ac alii socii eorundem de eadem sede necnon comes Syboldus de Koyngir⁸⁾ de sede Waras ceterique provinciales eiusdem sedis, comes Syffridus⁹⁾ de Alzcina,⁹⁾ comes Nycolaus de Meyerpoth de sede Leuskyrch ac alii provinciales de eadem sede, Nycolaus Sydener de castro Sches¹⁰⁾ ceterique populi ad eandem sedem pertinentes necnon universitas provincialium sedis Schenk et sedis Kozd¹¹⁾ in ipsum Cybinium pertinentium memoriae commendantes significamus universis quibus expedit praesentium per tenorem, quod nostri socii de Schellenberg ad nostram venientes praesentiam dum essemus in Cybinio in congregatione nostra generali semel, bis, ter conquerentes, quod illi populi de Helta qui etiam sunt nostri socii ipsis ipsorum territorium, quod est situm ex ista parte aquae Schebis dictae versus Cybinium, reciperent et aufferent contra deum et iustitiam et minus [S. 61] iuste. Nos vero misimus probos et idoneos viros ea de causa super ipsum territorium, quod compositio fuisset facta inter ipsas partes, illi populi de Helta nolentes hoc consentire et erexerunt metas et gades circumquaque ipsum territorium contra velle ipsorum populorum de Schellenberg absque strepitu iudicii. Quod territorium est descendens de loco uno, qui dicitur Steynwek¹⁾ versus villam Schellenberg et ipsa aqua Schebis est meta inter ipsas duas villas et hoc, quod dicitur habere et iacere ex illa parte dictae aquae, est illorum populorum de Helta, et illud quod est situm ex ista parte dictae aquae versus Cybinium est dictorum nostrorum sociorum de Schellenberg et decimae de dicto territorio semper et tempore ab antiquo ex a primaeva fundatione ipsius villae Schellenberg ad plebaniam ad eandem villam Schellenberg pertinebant. Qui populi de Helta etiam dicebant se praemissas metas et gades in praesentia iudicum iuste erexisse, qui iudices regis et provincialium negaverunt hoc fore factum, sed dicebant ipsas metas et gades iniuste et indebite fuisse erectas et locatas. Ad maiorem credentiam plenioremque veritatem tenoris supra tacti²⁾ praesentes in testimonium concessimus sub sigillo nostro provinciali communitas. Datum in Cybinio, in proxima tertia feria post festum beatae Margaretae virginis et martyris, anno domini M^o CCC^mo XL^mo nono.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-11 auf S. 60, 1-2 auf S. 61.^{^}
b) Im UB Abildung des bruchstückhaft erhaltenen Exemplars des Siegels der Hermannstädter Provinz an dieser Urkunde auf Tafel III, Bild 13; unten als »Abb. ^{^}
[S. 60]
1) Orig. 1408: Ruffo monte.^{^}
2) Ebendaselbst: Cristamis. Kopie: Cristannus.^{^}
3) Orig. 1408: Burchperg.^{^}
4) Ebendas.: Appoldia.^{^}
5) Ebendas.: Appoldya.^{^}
6) Ebendas.: Rewsmarkt.^{^}
7) Ebendas.: Molenbach.^{^}
8) Ebendas.: Kongir.^{^}
9) Ebendas.: Sifrydus de Alczna [2x].^{^}
10) Ebendas.: Schees.^{^}
11) Ebendas.: Kosd.^{^}
[S. 61]
1) Orig. 1408: Steynweg.^{^}
2) Ebendaselbst: scripti.^{^}

Abb.