Urkunde Nr. 631 aus Band II

Seite im UB:

52-53

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach Original

Abdruck als:

Volltext

Sprache:

Latein

---

631

1348 April 14 Das Grosswardeiner Kapitel bezeugt, dass Elyas, Sohn Blasius', und Genossen dem siebenbürgischen Bistum ihre Besitzanteile in Fahyd, Galtö, Bukemseke, Lörinczreve, Ujfalu, Hari, Süllye, Medves und Somtelke geschenkt haben.

Capitulum ecclesiae Waradiensis omnibus Christi fidelibus praesens scriptum inspecturis salutem in salutis largitore. Ad universorum notitiam tam praesentium quam futurorum harum serie volumus pervenire, quod accedentes ad nostram praesentiam Elyas filius Blasii pro se personaliter et pro duobus filiis scilicet Nicolao et Johanne cum literis procuratoriis magistri Petri vicevaivodae Transsiluani, item Jacobus filius Nicolai filii Bukem et Nicolaus filius Gregorii pro se personaliter et pro Jacobo fratre suo similiter cum literis procuratoriis eiusdem vicevaivodae Transsiluani dixerunt, retulerunt et coram nobis vivae vocis oraculo sunt confessi, quod ipsi ob spem futurae felicitatis volentes et animae suorum progenitorum pietatis donis salubriter subvenire quasdam possessionarias portiones eorum in possessionibus ipsorum infra nominatis in partibus Transsiluanis in comitatu Albensi existentibus habitas apud manus alienas videlicet in Fahyd, Galtew, Bukemseke, Leurynchreue, Yufalou, Hary, Syle, Medwees, et in Sunteleke cum omnibus utilitatibus suis videlicet iure patronatus, locis sessionalibus, silvis, pratis, terris arabilibus, cultis et incultis, vineis, aquis, aquarumque decursibus et universaliter cum pertinentiis earundem universis dedissent, donassent ecclesiae Transsiluanae et per eam episcopatui seu episcopo eiusdem, qui in eadem thronum conscendere meruerit pastoralem, iure perpetuo et irrevocabiliter possidendas, tenendas pariter et habendas omne [S. 53] ius ac totale dominium proprietarium praedictarum possessionariarum portionum in eandem ecclesiam Transsiluanam transferendo. In cuius rei memoriam perpetuamque firmitatem praesentes concessimus literas nostras privilegiales pendentis sigilli nostri munimine roboratas. Datum secunda feria proxima post dominicam Ramispalmarum, anno domini M^mo CCC^mo XL octavo. Discretis viris Phylippo praeposito, Ladizlao lectore, Ladizlao cantore, Gregorio custode canonicis ac magistris ecclesiae nostrae salubriter existentibus.