Urkunde Nr. 626 aus Band II

Seite im UB:

44-46 ^a)

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) 73652 - Familienarchiv Teleki zu Neumarkt (Családi levéltárak, Teleki család, marosvásárhelyi) Nr. 84.

Druckvorlage:

nach Original

Abdruck als:

Volltext

Sprache:

Latein

---

626

Kolozsmonostor 1347 Juli 14 Der Kolozsmonostorer Konvent bezeugt, dass Magister Dominik, Sohn Andreas' von Gombas, dem siebenbürgischen Bischof Andreas alle Rechte auf die Besitzung Mönchsdorf abgetreten hat.

[Nos]¹⁾ conventus monasterii beatae virginis de Clusmustra memoriae commendantes tenore praesentium significamus quibus expedit universis, quod nobilis vir magister Dominicus filius Andreae dictus de Gumbaz ab una, discretus autem vir Thomas plebanus de Tyns specialis capellanus venerabilis in Christo patris domini Andreae dei et apostolica gratia episcopi Transsiluani vice et nomine eiusdem domini episcopi domini sui cum sufficientibus literis [S. 45] procuratoriis eiusdem ad hoc mandatum speciale continentibus parte ab altera personaliter coram nobis constituti, idem magister Dominicus dixit et confessus est viva voce coram nobis, quod ipse sponte ac propria voluntate pia consideratione inductus ob remedium specialiter patris sui ante dicti iam defuncti totum ius et dominium, fructus, reditus et utilitates ac decimarum perceptiones, quod et quas ad contentum literarum privilegialium capituli ecclesiae Waradiensis in possessione ecclesiae eiusdem domini episcopi Transsiluanae Herena vocatae usque ad suam vitam habere dignoscebatur, penitus et per omnia cedens et suas manus retrahens de eisdem eandem¹⁾ possessionem ecclesiae cum dictis universis utilitatibus et obventionibus eo iure, quo post decessum suum eidem ecclesiae Transsiluanae iuxta seriem et processum literarum privilegialium capituli dicti ecclesiae Waradiensis resignare debuisset,²⁾ nunc et per omnia pleno iure et dominio irrevocabiliter ipsi domino Andreae episcopo ac suis manibus et successoribus eiusdem seu episcopatui Transsiluano reddidisset, remisisset atque resignasset, immo et resignavit coram nobis nihil iuris, obventionis, lucri, utilitatis vel dominii sibi reservans in eadem, insuper universas literas, instrumenta et munitiones tam protestationales, prohibitionales,³⁾ inquisitionales quam alias quasvis extra seu ultra privilegia dicti capituli Waradiensis hactenus in contrarium dictae ecclesiae Transsiluanae quovis colore aut titulo emanatas penitus revocando, cassando frivolas reddidit et vanas ac exhibitoribus nocituras. Ubi e converso idem Thomas plebanus auctoritate procuratoria dixit et confessus est, eundem dominum Andream episcopum Transsiluanum dominum suum ac ipsius successores ratione huiusmodi praemissae resignationis eidem magistro Dominico singulis annis usque ad suam vitam viginti marcas parvorum denariorum pro tempore currentium, marcam quamlibet cum decem pensis computando ita tamen, quod decimas villae eiusdem magistri Dominici Sumkerek vocatae singulis annis salvo iure alieno eidem domino episcopo domino suo provenientes pro quinque marcis intra ipsas viginti marcas computando, licet maioris essent valoris, dare et persolvere in octavis quibuslibet festi beati Martini confessoris⁴⁾ eidem magistro Dominico coram nobis conditionum obligamina in literis privilegialibus praedictis capituli saepe dicti Waradiensis expressa⁵⁾ idem dominus episcopus aut sui successores eodem Thoma plebano procuratore referente incursuri, si aliquem annorum praemissae quantitatis pecuniae obmitterent insolutum. Hoc non postponendo, quod idem magister Dominicus sub poena perditionis et amissionis dictarum viginti marcarum sibi quolibet anno suae vitae persolvendarum se obligavit coram nobis praesentem suam resignationem seu coordinationem usque festum nativitatis beatae virginis proxime adveniens⁶⁾ personali in praesentia literis privilegialibus capituli Waradiensis ante dicti perpetuare atque ratificare, adiungens etiam idem magister Dominicus, quod praefatus dominus episcopus viginti marcas iuxta praesentis [S. 46] literae seriem hoc anno in octavis festi beati Martini confessoris¹⁾ sibi persolvendas eidem plene persolvisset et integre. Et super ipsas viginti marcas idem dominus episcopus hoc anno foret per omnia expeditus. In cuius rei testimonium²⁾ praesentes concessimus literas sigilli nostri³⁾ munimine roboratas. Datum loco praenotato, in crastino festi beatae Margaretae virginis et martyris, anno domini M^o C^o C^o C^o XL^o VII^o.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1 auf S. 44, 1-6 auf S. 45, 1-3 auf S. 46 (dortige 4 zu nachfolgender Urkunde).^{^}
[S. 44]
1) Raum für Nos leer gelassen.^{^}
[S. 45]
1) Vorlage: eadem.^{^}
2) Fehlt in der Vorlage. ^{^}
3) Vorlage: prohibicoes [Abkürzungsstrich (Nasal) über coe].^{^}
4) November 18.^{^}
5) Vorlage: expresso.^{^}
6) September 8.^{^}
[S. 46]
1) November 18.^{^}
2) Vorlage: testimonio.^{^}
3) Vorlage: nostro.^{^}