Urkunde Nr. 624 aus Band II

Seite im UB:

42-43 ^a)

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) - Familienarchiv Teleki zu Neumarkt (Családi levéltárak, Teleki család, marosvásárhelyi)

Druckvorlage:

nach Einschaltung (Insert)

Abdruck als:

Volltext

Sprache:

Latein

---

624

Weissenburg 1347 Juli 11 Andreas, Bischof von Siebenbürgen, bezeugt, dass Dominik, Sohn Andreas' von Gombas, den ihm in Betreff der Besitzung Mönchsdorf zustehenden Rechten entsagt hat.

Nos Andreas dei et apostolicae sedis gratia episcopus Transsiluanus memoriae commendantes tenore praesentium significamus quibus expedit universis, quod quia vir nobilis magister Dominicus filius Andreae dictus de Gombas eodem²⁾ Andrea patre suo viam universae carnis ingresso seu defuncto specialiter ob remedium animae ipsius pia consideratione inductus sponte ac propria voluntate totum ius et dominium, fructus, reditus et utilitates ac decimarum perceptiones, quod et quas ad contentum literarum privilegialium honorabilis capituli ecclesiae Waradiensis in possessione eccle- [S. 43] siae nostrae Herena vocatae usque suam vitam habere dignoscebatur, matura deliberatione praehabita penitus et per omnia cedens de eisdem et suas manus utique retrahendo ab eadem villa seu possessione Herena vocata et suae¹⁾ utilitatis universae iurisque et dominii, eandem possessionem eo iure, quo post decessum suum dictae ecclesiae nostrae Transsiluanae iuxta seriem praedictarum literarum privilegialium dicti capituli Waradiensis resignare debuerat, nunc irrevocabiliter ecclesiae nostrae eidem²⁾ nobisque et nostris successoribus seu episcopatui Transsiluane resignavit manibusque nostris episcopalibus restituens eandem, quam usque suam vitam uti debebat, ita quod amplius nihil iuris, dominii, lucri, obventionis seu utilitatis habere possit in eadem. Ideo nos et nostros successores praesentibus ad eam obligamus, quod singulis in³⁾ annis in octavis festi beati Martini confessoris⁴⁾ coram conventu de Clusmustra ipsi magistro Dominico pro dicta resignatione seu restitutione iuris et dominii seu obventionis possessionis ecclesiae nostrae viginti marcas parvorum⁵⁾ denariorum pro tempore currentium ita, quod decimas villae eiusdem magistri Dominici Sumkerek vocatae salvo iure alieno nobis provenientes pro quinque marcis ad ipsas viginti marcas computando, quamvis longe maioris fiant valoris, marcam quamlibet cum decem pensis denariorum computando similiter singulis in annis dabimus atque persolvemus plenarie conditionum obligamina⁶⁾ in praedictis literis privilegialibus dicti capituli Waradiensis contenta incursuri, si aliquem annorum nos aut nostri successores transiremus insolutum quantitatis pecuniae ante scriptae ita tamen, quod ipse magister Dominicus usque festum nativitatis beatae virginis proxime adveniens⁷⁾ praesentem suam resignationem ac nostram coordinationem literis privilegialibus dicti capituli Waradiensis et conventus de Clus personali astatione sub poenis perditionis et amissionis dictarum viginti marcarum annis singulis ut praemittitur sibi solvendarum perpetuare et ratificare se obligavit. Insuper idem magister Dominicus universas literas, munitiones et instrumenta, si quas in contrarium ecclesiae nostrae forsitan usque modo ultra seu extra privilegia dicti capituli Waradiensis quovis colore aut titulo tam protestationales, prohibitionales, inquisitionales, quam alias quasvis emanari procurasset, revocavit cassasque frivolas reddidit et vanas ac exhibitoribus nocituras. In cuius rei memoriam praesentes concessimus sigillo⁸⁾ nostro consignatas. Datum Albae, sexto die octavarum Petri et Pauli apostolorum beatorum, anno domini M^o CCC^mo XL^mo septimo. [S. 44]


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 2 auf S. 42 (1 zu voranstehender Urkunde), 1-8 auf S. 43.^{^}
[S. 42]
2) Vorlage: idem.^{^}
[S. 43]
1) Vorlage: sui.^{^}
2) Vorlage: eaedem.^{^}
3) Über der Zeile nachgetragen.^{^}
4) November 18. ^{^}
5) Vorlage: parvuorum.^{^}
6) Vorlage: obligamine.^{^}
7) September 8.^{^}
8) Vorlage; sigilli.^{^}