Urkunde Nr. 59 aus Band I

Seite im UB:

50-51 ^a)

Heute in:

Berlin, Geheimes Staatsarchiv Preußischer Kulturbesitz

Heutige Signatur:

XX. HA (Hist. StA Königsberg), Pergamenturkunden, Schieblade 2 Nr. 18

Druckvorlage:

nach Original

Abdruck als:

Volltext

Sprache:

Latein

---

59

Rom im Lateran [1231] April 26 Papst Gregor IX. ermahnt Bela, Andreas II. Sohn, den deutschen Orden in seinen Besitz wieder einzuführen.

Gregorius episcopus servus servorum dei carissimo in Christo filio Belae primogenito carissimi in Christo filii nostri Andreae illustris regis Vngariae salutem et apostolicam benedictionem. [D]ilecti f[ilii] magister et fratres domus hospitalis sanctae Mariae Teutonicorum [Jeroso]limitanae humili nobis et instanti conquestione monstrarant, quod cum carissimus in Christo filius noster Andreas illustris rex Vngariae pater tuus eorum domui terram Borze pia liberalitate donasset, sicut in ipsius privilegiis perspeximus plenius contineri, ipsi pro colenda et munienda terra eadem, per quam Comanis regnum Vngariae multipliciter perturbantibus frequens introitus et exitus habebatur, numerosam pecuniam expenderunt ibi cum multo labore ac proprii effusione cruoris [quinque] castra fortia construendo. Sed licet idem rex eis terram abstulisset eandem, ipsam tandem restituit, ut debebat, quin etiam pro recompensatione damnorum i[psis ultra monte]s nivium partem contulit Comaniae. In qua cum dicti magister et fratres castrum munitissimum construxissent, C[omani perterriti et dolentes ademptam] sibi ingress[us et ex]itus facultatem, congregata ingenti multitudine bellatorum fratres inibi commorantes hostiliter aggressi fuerunt, [sed domino propitiante devicti confusi] et reveriti destiterunt, quin etiam quidam ex illis dictis fratribus se reddentes, cu[m uxoribus et] parvulis ad baptismi gratiam conrola[runt. At rex praedictus] terram ipsam ingrediens cultamque prospiciens, fratres de [terra eis] per sedem apostolicam confi]rmata et sub eius] protectione suscepta expulit violenter, [quam tu detin]es occupatam non absque Romanae ecclesiae iniuria manifesta, cum eadem [terra nu]llum praeter Romanum [pontificem ha]bens episcopum vel praelatum, eidem ecclesiae duas [marc]as auri pro censu solveret annuatim. Et quamvis pluries tam praedicto patri tuo quam tibi affectuosas preces et monita diligentia direxerimus, ut eis [terra]m ipsam liberaliter redderetis, nequaquam tamen fuimus exauditi, quin potius idem magister ad praesentiam regiam in spe vocatus accedens frustratus rediit, fatigatus multis laboribus et expensis, alias domo sua propter hoc attrita variis et enormibus detrimentis. Ne igitur inexorabilis videaris, si quod absit seductus pravis suggestionibus maiignorum reddere renuas, quae non potes salva conscientia retinere, serenitatem tuam rogamus, monemus et hortamur in domino, in remissionem tibi peccaminum iniungentes, quatenus conscientiae et famae tuae salubriter consulens, cum peccatum minime remittatur, nisi restituatur ablatum, eisdem magistro et fratribus restituas terram ipsam, de damnis et irrogatis iniuriis satisfactionem congruam impendendo, ita quod veritati verax existens, te illi¹⁾ reddas placidum et acceptum, qui acceptos provehit in salutem, et nos tibi constituamur exinde non imme[rito deb]itores. Datum Laterani, VI. Kalendas Maii, pontificatus nostri anno quinto. [S. 52]


a) Seitenumbruch nach der Überlieferungsangabe.^{^}

1)Vorlage: illis.^{^}