Urkunde Nr. 5696 B * aus Band VIII

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Klausenburg [Primăria Oraşului Cluj] (Inventar 1ff.), Privilegia A Nr. 2.

Druckvorlage:

nach anderem Urkundenbuch mit Quellennachweis

Abdruck als:

Volltext

Sprache:

Latein

---

5696 B *

Klausenburg 1496 Dezember 23 Johannes Marcus als iudex surrogatus und die geschworenen Bürger der Stadt Klausenburg beurkunden auf Ersuchen ihres Mitbürgers Jacobus Adam alias Hospitalensis namens der Insassen des Vorstadtspitals, dass Margarethe, Witwe des Bürgers Michael Kautusch, zu ihrem und ihres Mannes Seelenheil ihr Haus dem Hospital gestiftet hat unter Vorbehalt lebenslanger Nutzung eines Halbteils. Die Stiftung ist unwiderruflich, auch falls Margarethe erneut heiratet und Kinder haben sollte.

Nos Johannes Marcus iudex surrogatus ceterique iurati cives civitatis Coloswariensis memoriae commendamus tenore praesentium universis et singulis, quibus incunbit, quod in praesenzia nostra comparens prudens et circumspectus Jacobus Adam alias hospitalensis concivisque civitatis nostrae nomine et in persona totius communitatis pauperum et exulum in hospitali suburbii civitatis nostrae degentium et commorantium debita precum instancia literas testimoniales ac privilegiales dicto hospitali dare et conferre postulans. Super domum et curiam providi et circumspecti condam Michaelis Kawtusch felicis memoriae concivis civitatis nostrae post fassionem honestae ac virtuosae dominae Margarethe relictae iam dicti Michaelis Kautusch, quae non coacta neque conpuncta nec aliqua dolositate seducta, sed libera et spontanea voluntate coram nobis vive vocis oraculo fassa pariter et confessa est in hunc modum, quod una dierum adhuc domino et marito ipsius vivente videntes et in archano considerantes secunditate ac solatio prolis carere ac privatos fore unacum dicto Michaele Kautusch piae memoriae simul consedentes parili ac matura deliberatione praehabita inter se talem unionem una pars alteri contulissent, fecissent ac votum vovissent, quod si ipsum Michaelem Kautusch prius quam ipsam dominam Margaretham uxorem suam mori ac de hac luce exui contigerit. Extunc media domus ipsorum ad dictum hospitale suburbii civitatis nostrae cedi et devolui iure hereditario debeat perpetuis temporibus duraturis, similiter et e converso, quod si ipsam dominam Margaretham prius quam ipsum Michaelem Kautusch de hac vita egredi contigerit, similiter media pars domus ipsorum ad praedictum hospitale cedi et devolui debeat, etiam perpetuis temporibus duraturis ita tamen, quod pars supervivens diebus vitae suae in pacifico dominio eiusdem domus manere ac perseverare debeat. Sed mortua etiam parte supervivente dictam domum Michaelis Kautusch ob laudem ac honorem omnipotentis dei intemerataeque genitricis eius virginis Mariae ac sanctae Elizabeth dicti pauperes et exules in dicto hospitali manentes iure hereditario perpetuis temporibus irrevocabiliter possidere, tenere habere uti frui et gaudere taxasque civitatis fore solitas solvere et dare incolasque in ipsa domo pro utilitate ipsorum pauperum tenere debeant. Dictam etiam curiam ac domum ipsi pauperes aut hospitalensis pro tempore constitutus aut constituendus nequaquam vendere neque ab ipso hospitali alienare debeant neque audeant. Isto cum articulo lympidius declamato expressato pariter et excepto, quod si dicta domina Margaretha relicta dicti Michaelis Kautusch ex permissione dei omnipotentis alterum maritum duxerit ac proles, quod procul absit genuerit ac habuerit, extunc dicta unio votum ac promissio inter dictos Michaelem Kautusch ac dominam Margaretham facta frustra esse ac pro nichilo habere debeat. Isto etiam adiecto, quod si ipsa domina Margaretha cum altero viro ac marito heredes aut proles non habuerit, extunc mortua ipsa domina Margareta praetacta unio votum et conclusio inter ipsum Michaelem Kautusch et dominam Margaretham facta in suo vigore inviolabiliter ac inconcusse teneri et servari dictaque domus ipsorum cum omnibus suis pertinentiis iure hereditario perpetuis temporibus ad hospitale pertinere ac devolui debeat, nullo penitus contradictorio apparente. Nos itaque iustis petitionibus dicti Jacobi Adam in persona totius communitatis pauperum et exulum nobis porrectis favorabiliter inclinati praesentes literas nostras privilegiales dictis pauperibus in dicto hospitali degentibus eisdem necessarias sigilli nostri subappensi munimine roboratas iuxta civitatis nostrae legalia iura et consuetudines duximus concedendas communi iustitia id persuadente. Datum in Coloszwar feria sexta proxima ante festum nativitatis Cristi, anno domini millesimo quadringentesimo nonagesimo sexto.