Urkunde Nr. 5396 F * aus Band VIII

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Klausenburg [Primăria Oraşului Cluj] (Inventar 1ff.), Privilegia T 66.

Druckvorlage:

nach Original

Abdruck als:

Volltext

Sprache:

Latein

---

5396 F *

Ofen 1493 Dezember 7 König Wladislaw II. bestätigt auf auf Ersuchen des Richters Nikolaus Petri Mathiae und geschworener Bürger der Stadt Klausenburg die alten Freiheiten der Stadt, namentlich die Beschränkung des Heeresdientes, gegen wen auch immer, auf höchstens 52 Berittene.

Von der Kanzlei: Comissio propria domini regis.

Uladislaus dei gratia rex Hungariae et Bohemiae et cetera fidelibus nostris magnificis wayvodis vel vicewayvodis partium nostrarum Transilvanarum nec non comitibus vel vicecomitibus Siculorum nostrorum salutem et gratiam. Venientes nostrae maiestatis in praesentiam fideles nostri circumspecti Nicolaus Petri Mathiae iudex et Johannes Marcus iuratus civis civitatis nostrae Koloswar in ipsorum ac totius communitatis eiusdem civitatis nostrae personis nobis exponere curaverunt in hunc modum, quod quamquam ipsi antiqua libertatis eorum praerogativa per divos reges Hungariae praedecessores scilicet nostros et etiam per nostram maiestatem eisdem gratiosae concessa requirente non plus nisi quinquaginta duos equites ad exercitum contra quascunque [!] emulos regni nostri mittere obligati essent, tamen vos non curatis huiusmodi antiquis libertatibus eorum ipsos cives nostros per singula capita ad huiusmodi exercitum artaretis et compelleretis in praeiudicium libertatis eorum et dampnum walde magnum, et quia nos sicuti ceteros cives aliarum civitatum nostrarum liberarum, sic et ipsos cives dictae civitatis nostrae Koloswar in eorum libertatibus tenere et inviolabiliter conservare volumus. Ideo fidelitati vestrae harum serie firmiter committimus et mandamus, quatenus receptis praesentibus a modo deinceps, praefatos cives de Koloswar contra libertates ipsorum antiquas, quas videlicet habent, ad dictum exercitum contra quascunque [!] hostes et emulos dicti regni nostri artare et compellere nullatenus praesummatis, sed de dictis quinquaginta duobus equitibus bene tamen paratis et utilibus ut praefertur contenti sitis. Casu vero, quo partes nostras Transilvanas notabilis aliqua potentia, ut puta ipse imperator Thurcorum hostiliter subintrare attemptaret, extunc ydem cives nostri menibus ipsorum sub competenti nichilominus custodia relictis per singula capita, prout melius poterunt, ad huiusmodi exercitum ire et proficisci teneantur. Secus igitur non facturi praesentibus perlectis exbibenti restitutis. Datum Budae in vigilia festi conceptionis beatissimae Mariae virginis, anno domini millesimo quadringentesimo nonagesimo tertio.