Urkunde Nr. 585 aus Band II

Seite im UB:

2-3 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie II (Inventar 228), Nr. 1240 - Abt.42: K. A. Stolzenburg [Parohia Ev. CA Slimnic], Nr. 4.

Druckvorlage:

nach Original

Abdruck als:

Volltext

Sprache:

Latein

---

585

Avignon 1342 November 8 Erzbischof Nerses und elf Bischöfe erteilen der Allerheiligenkapelle in Stolzenburg einen Ablassbrief.

Universis sanctae matris¹⁾ ecclesiae filiis ad quos praesentes literae pervenerint nos miseratione divina Nerses Manasgardensis archiepiscopus, Gregorius Oppidensis, Vincencius Marinensis, Mathias Organchensis,²⁾ Avaucius Sancbiensis, Petrus Calliensis, Amedeus Langonensis, Petrus montis Marani, Galganus Alleriensis, Thomas Tinninensis, Paganus Sagonensis, Alexius de Pera Armenorum episcopi salutem in domino sempiternam. Splendor paternae gloriae, qui sua mundum ineffabili claritate illuminat, pia vota fidelium de clementissima maiestate eius sperantium tunc praecipue benigno favore prosequitur, cum devota ipsorum humilitas sanctorum meritis et precibus adiuvatur. Cupientes igitur, utut capella, quae dedicata est in honore omnium sanctorum, in villa quae dicitur Stolzinberch Strigoniensis diocesis, congruis honoribus frequentetur et a Christi fidelibus iugiter veneretur, omnibus vero poenitentibus et confessis, qui ad dictam capellam in singulis sui patroni festivitatibus et in omnibus infra scriptis videlicet natalis domini, circumcisionis, epiphaniae, parasceves, Paschae, ascensionis, Pentecostes, trinitatis, corporis Christi, inventionis et exaltationis sanctae crucis, Michaelis archangeli, in singulis festis beatae Mariae virginis, nativitatis sancti Johannis baptistae, beatorum Petri et Pauli apostolorum et omnium aliorum apostolorum et evangelistarum, in festo omnium sanctorum, in commemoratione animarum et in dictae capellae dedicatione, et per octavas³⁾ omnium festivitatum praedictarum octavas³⁾ habentium, sanctorumque Stephani, Laurencii, Georgii, Martini, Nicholai, Gregorii sanctarumque Mariae Magdalenae, Katerinae, Margaretae singulisque diebus dominicis causa devotionis, orationis aut peregrinationis accesserint, seu qui missis, praedicationibus, matutinis, vesperis aut aliis divinis officiis, exequiis et mortuorum sepulturis ibidem interfuerint, aut qui corpus Christi vel oleum sacrum, [S. 3] cum infirmis portentur, secuti fuerint, vel qui in serotina pulsatione campanae flexis genibus ter ave Maria dixerint, necnon qui ad fabricam, luminaria, ornamenta dictae capellae manus porrexerint adiutrices, aut qui in eorum testamentis vel extra aurum, argentum, vestimenta, libros, calices aut quaevis alia dictae capellae necessaria donaverint atque pro Walbruno¹⁾ praesentis impetratore et pro omnibus dictae capellae benefactoribus pie deum exoraverint, quotiescumque, quandocumque et ubicumque praemissa vel aliquid praemissorum devote fecerint, de omnipotentis dei misericordia et beatorum Petri et Pauli apostolorum eius auctoritate confisi, singulis vestrorum XL dierum indulgentias misericorditer in domino elargimur,¹⁾ dummodo diocesani voluntas ad id accesserit et consensus. In cuius rei testimonium praesentibus literis sigilla nostra apposuimus. Datum Auinioni, VIII^o. die mensis Nouembris, anno domini M^o. CCC^o. XLII. et pontificatus domini Clementis papae VI. anno primo.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-3 auf S. 2, 1 auf S. 3 (dortige 2 zu nachfolgender Urkunde).^{^}
[S. 2]
1) Erste Zeile in verlängerter Schrift.^{^}
2) Vorlage: Organchn [Strich über Wortende].^{^}
3) Vorlage: octabas [2x].^{^}
[S. 3]
1) Auf Rasur [2x].^{^}