Urkunde Nr. 575 aus Band I

Seite im UB:

525-526

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 28061.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

575

1342 Mai 13 Das Weissenburger Kapitel beglaubigt die Urkunde des Königs Karl von 1341 Nr. »567 und berichtet dem König, dass gemäss gepflogener Untersuchung dem Abt von Kolozsmonostor eigene Gerichtsbarkeit auf dem Gebiete der Abtei zustehe.

Excellentissimo principi et domino domino Carolo dei gratia illustri regi Hungariae, domino eorum capitulum ecclesiae Transsiluanae orationum suffragia pro ipsius vita pariter et salute cum obsequio perpetuae fidelitatis. Noverit excellentia vestra, literas maiestatis vestrae nos recepisse in haec verba. (Folgt die Urkunde des Königs Karl von 1341 Nr. »567.) Nos igitur mandatis excellentiae vestrae ut tenemur acquiescentes, una cum praedicto Petro dicto Henke homine yestro discretum virum Conrardum plebanum de Fenes Saxonica hominem nostrum ad praemissa mandata vestra exsequenda pro testimonio vice nostra duximus destinandum, qui quidem homo vester et noster demum ad nos reversi concorditer nobis retulerunt per nos requisiti, quod ipsi feria secunda proxima ante festum ascensionis domini¹⁾ in Clwswar et in medium universorum hospitum seu civium de eadem accessissent ibique idem Petrus homo vester in praesentia hominis nostri eosdem cives de libertate populorum seu villae de Kolwsmonwstwra diligenter interrogasset. Qui quidem cives concorditer respondissent, quod licet eadem villa Kolwsmonwstwra quoad situationem et fundationem antiquior ipso Colwswar fore dignoscatur, tamen a tempore fundationis Colwswar, prout ab antiquioribus et progenitoribus eorum didicissent et scivissent et temporibus eorum usque modo sine intermissione servatum fuisset, quod omnes causas emersas, emergentes infra metas et terminos ecclesiae beatae virginis de Colosmonustura officialis sive iudex domini abbatis iudicasset, et quod iudex provincialis nihil de populis ecclesiae beatae virginis iudicare habuisset, cum ipsi populi ecclesiae similem libertatem cum hospitibus de Colwswar semper habuissent, prout haec omnia idem Petrus dictus Henke homo vester sub testimonio praedicti Conrardi plebani hominis nostri retulit coram nobis viva voce et expressa. Datum feria secunda proxima post festum ascensionis domini, anno eiusdem millesimo trecentesimo quadragesimo secundo.


1) Mai 6.^{^}