Urkunde Nr. 5261 D aus Band VIII

Heute in:

Wien, Österreichisches Staatsarchiv, Archivabt. Haus-, Hof- und Staatsarchiv

Druckvorlage:

nach anderem Urkundenbuch mit Quellennachweis

Abdruck als:

Volltext

Sprache:

Latein

---

5261 D

Hermannstadt 1492 Mai 6 Bürgermeister Georg Hecht, Königsrichter Lorenz Hann, Landrichter Jakob Schneider, weitere Ratsherren und der Stadthann der Stadt Hermannstadt sowie Bürgermeister, Königsrichter und andere Delegierte der Städte, Märkte und Stühle Schässburg, Reps, Alzen, Reußmarkt, Mühlbach, Mergeln, Schenk, Agneteln, Broos, Winz stimmen auf der Versammlung der Sieben Stühle der Sachsen dem zu Pressburg vereinbarten Friedens- und Erbvertrag König Wladislaws II. mit Kaiser Friedrich III. und dem römischen König Maximilian zu.

Nos Georgius Hecht magister civium, Laurentius Kakas regius et Jacobus Sartor terrestris iudices, Georgius Sartor, Benedictus Carnifex, Stephanus Margraff, Cristanus Cerdo, Martinus Glockengisser, Michael Moldner, Johannes Fritsch, Anthonius Zanoby, Johannes Schiltmacher, Johannes Wal, Hwppertus Doleator, Johannes Melchior iurati consules et Johannes Pellifex villicus civitatis Cibiniensis, item Michael Polnar magister civium et iudex regius civitatis et sedis Segesswarensis, Nicolaus Schukesch de Kwhalm, Nicolaus Gryndi de Oltzna magister, Mathaeus de Zeridahel, Franciscus Zaz de Zaz Schebes, Michal Greb de Margandal et Stephanus Croner de Schenck, illarum sedium Saxonicalium iudices regii necnon Ambrosius Pawr de Segesswar, Blasius Greb de Schenck, Benedictus Greb de Senth Agatha, Nicolaus Pellifex de Zazwaras, Laurentius Remser de Alwyntz, Ladislaus Pötz et Petrus Greb de eadem, Adam Greb de Kwhalïïf et cetera iurati seniores dictarum septem sedium Saxonicalium partium Transilvanicarum recognoscimus et tenore praesentium notum facimus, quibus expedit universis, quod cum hiis diebus proximis ille guerre differentiae, dissentiones et hostilitates, que inter serenissimos principes et dominos dominos Fridericum imperatorem et Maximilianum regem semper augustos et cetera ab una necnon condam Matthiam Hungariae, Bohemiae, Dalmatiae, Croatiae et cetera regem clare memorie, consequenter autem inter serenissimum dominum Wladislaum similiter Hungariae, Bohemiae, Dalmatiae, Croatiae et cetera regem, dominum nostrum graciosissimum atque hoc regnum Hungariae ab altera partibus dudum exorte et in hec usque tempora continuate foerant vigore certorum tractatuum, quos maiestates suae medio oratorum suorum utrimque habuerunt, sub certis articulis et capitulis sint sopite et prorsus extincte sitque perpetua pax et unio inter easdem tres maiestates regnaque et dominia ac principatus et subditos eorundem Posonii die lune post festum beati Leonardi confessoris anno domini millesimo quadringentesimo nonagesimo primo conclusa et firmata atque inter alia hoc precipue cautum et conclusum, quod si praefatum serenissimum dominum Wladislaum regem dominum nostrum gratiosissimum liberis masculis ex lumbis suis legittime proereatis non relictis aut eisdem relictis et sine heredibus descendentibus mortuis decedere contingat, in tali casa praefatum serenissimum dominum Maximilianum Romanorum ac Hungariae, Dalmatiae, Croatiae et cetera regem aut eo non existente aliquem ex filiis suis aut hiis non existentibus eorum heredibus masculis per rectam lineam ex lumbis eorum legittime descendentibus domini praelati, barones, comites, proceres, nobiles, civitates et ceteri regnicule huius regni universumque ipsum regnum et provinciae ad id pertinentes pro eorum vero legittimo et indubitato rege ac domino eligere et acceptare teneantur. Nos itaque, qui de numero et collegio liberarum et aliarum civitatem ceterorumque regnicularm huius regni Hungariae sumus, pro nobis heredibusque et successoribus nostris tractatum huiusmodi in praesenti dieta seu conventu generali regnicularum super ea re indicto publico et solemniter acceptavimus et acceptamus atque praefato serenissimo domino Romanorum regi publice iuravimus et promisimus iuramusque et promittimus eundem tractatum, quo ad omnes et singulos articulos observare et in casu iam expresso ipsum serenissimum dominum Maximilianum regem aut eo non existente aliquem ex filiis et nepotibus ac heredibus suis ex lumbis suis per rectam lineam legittime descendentibus iuxta formam tenorem et continentias praedicti articuli desuper in eodem tractatu confecti, cum dominis praelatis, baronibus, proceribusque et nobilibus ac liberis civitatibus huius regni Hungariae pro nostro domino et rege eligere et acceptare, harum nostrarum quibus sigillum nostrum provinciale maius et autenticum est appensum vigore et testimonio literarum mediante. Datum Cibinii in nostra generali congregatione dominica proxima post festum inventionis sancte crucis, anno domini millesimo quadringentesimo nonagesimo secundo.