Urkunde Nr. 6071 * aus Band VIII

Heute in:

Mediasch, Archiv der evang. Kirchengemeinde A.B. [Parohia Evanghelică Mediaş]

Heutige Signatur:

Urkunden Nr. 69 (alt Nr. 70).

Druckvorlage:

nach Original

Abdruck als:

Volltext

Sprache:

Latein

---

6071 *

Ofen 1500 März 4 König Wladislaw II. verbietet auf Ersuchen von Richter, Rat und Ältesten von Mediasch und den Zwei Stühlen den Vikar und die Dechanten der Weissenburger Dözese, die Einwohner der Zwei Stühle wegen weltlicher Sachen, insbesondere Erbschaftsangelegenheiten, vor das geistliche Gericht zu laden.

Von der Kanzlei: Comissio propria domini regis.

Wladislaus dei gratia rex Hungariae et Bohemiae et cetera.

Fidelibus nostris venerabilibus vicario et decanis ecclesiae Albensis Transsilvanae, cunctis etiam aliis regni nostri iudicibus ecclesiasticis praesentes visuris salutem et gratiam. Ex quaerelis fidelium nostrorum prudentum et circumspectorum iudicis et iuratorum necnon seniorum civitatis nostrae Megyes et duarum sedium Saxonicalium intelleximus non sine displicentia, qualiter vos eosdem in quibusdam causis profanis et non vestrum ecclesiasticum sed saeculare iudicium concernentibus potissimum ratione haereditatum ad instantiam nonnullorum presbyterorum et clericorum saepe saepius in praesentiam vestri citari faceretis sicque eos citatos gravibus fatigiis et expensis vexaretis et perturbaretis in praeiudicium eorundem exponentium et damnum manifestum. Cum autem nos omnino velimus, ut unicuique sua iurisdictio observetur, fidelitati igitur vestrae et vestrum cuilibet harum serie firmiter praecipientes mandamus, quatenus a modo deinceps eosdem exponentes ad quorumvis instantiam in huiusmodi causis profanis et non vestrum ecclesiasticum sed saeculare iudicium concernentibus ratione quorumcunque haerediatum in praesentiam vestri citare vel citari facere aut eos hiusmodi fatigis et expensis minus debitis aggravare et perturbare nullatenus audeatis, si qui vero contra eosdem exponentes quidquam actionis vel quaestionis habent vel habuerint, hi id in sede ipsorum iuxta antiquam eorum consuetudinem ac seundum vim et formam generalis decreti nostri iuridice prosequantur et eis iustitia non deerit evidens et condigna. Aliud ergo nullo modo factur. Praesentibus perlectis exhibenti restitutis. Datum Budae feria quarta proxima ante dominicam Invocavit, anno domini millesimo quingentesimo.