Urkunde Nr. 5943 aus Band VIII

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 10: Stadt Schässburg [Primaria Municipiului Sighisioara] (Inv. 949), Urkunden Nr. 23.

Druckvorlage:

nach Original

Abdruck als:

Volltext

Sprache:

Latein

---

5943

1499 Juni 10 Der Konvent von Kolozsmonostor bezeugt, dass Nicolaus von Bethlen drei Sessionen, davon zwei mit Jogagionen besetzte und eine unbesetzte, sowie drei Fischteiche in Marienburg im Kokelburger Komitat dem Schässburger Dominikanerkloster geschenkt hat unter verschiedenen Verpflichtungen des Konventes.

Conventus monasterii beatae Mariae virginis de Colosmonostra omnibus Christi fidelibus tam praesentibus quam futuris praesentium notitiam habituris salutem in omnium salvatore. Ad universorum notitiam harum serie volumus pervenire, quod egregius Nicolaus de Bethlen ab unu ac religiosi fratres uterque Gregorius in personis religiosorum fratrum ordinis sancti Dominici confessoris in claustro beatae Mariae virginis in civitate Segeswariensi constructo degentium partibus ab altera ministerio vive vocis spontaneaque eorum voluntate confessi sunt in hunc modum, quomodo ipse Nicolaus Bethlenii matura in se deliberatione praehabita quasdam tres sessiones suas jobagionales duas populosas, quarum in una quidam Thomas Zekel et in alia Laurentius ad praesens residentiam facerent speciales et tertiam desertam inter easdem duas sessiones populosas in possessione Hethwr vocata in comitatu de Kykellew existenti habitas, necnon trium piscinarum ab inferiori partibus eiusdem possessionis Hethwr adjacerent usque dumtaxat stationem aque simul cum ipsarum utilitatibus et pertinenciis quibuslibet puta terris arabilibus, cultis et incultis, agris, pratis, aquis aquarumque decursibus generaliter vero quarumlibet utilitatum et pertinentiarum earundem integritatibus, quovis nominis vocabulo vocitatis. Ad easdem tres sessiones jobagionales de iure et ab antiquo spectantibus et pertinere debentibus pro refrigerio sub ac condam domini Matthiae regis felicis reminiscentiae animarum in perpetuam elemosinam praefatis fratribus ordinis sancti Dominici confessoris in dicto claustro beate Mariae virginis degentibus dedisset, donasset et in perpetuam elemosinam tradidisset iure perpetuo et irreuocabiliter tenendum, possidendum pariter et habendum. E conuerso etiam praedicti fratres de Segeswar in recompensam praemissorum perpetuis semper successivis temporibus pro salute animarum dictorum Nicolai de Bethlen et domini regis Matthiae orationes effundere ac missas sive divina singulis ebdomadis in communi occurrentibus modo subscripto celebrare teneantur, item primo singulis feriis tertiis pro refrigerio ut dicitur anime ipsius olim domini Matthiae pro defunctis, singulis vero feriis sextis pro salute dicti Nicolai de Bethlen et suorum haeredum et successorum de passione Christi nec non singulis sabbatis diebus de beata virgine ad placitum misse perhennaliter per eosdem fratres claustro in praefato celebrentur, item pro praenominato domino Matthia rege in festo beati Mathiae apostoli annuatim occurrenti vigilias mortuorum novem leccionum<fnz<1)</fnz> cum missa sequenti die totus conventus eiusdem claustri decantare teneatur, demum post festum beati Martini episcopi et confessoris annuatim pro ipso Nicolao Bethleni et suis heredibus per eundem conventum similes exequiae administrentur, postremo vero nomina eorundem in ambone singulis diebus dominicis perpetuis semper successivis temporibus in registris mortuorum. Idem conventus recitare et communes orationes pro animabus dictorum Nicolai de Bethlen ac eiusdem heredibus et successoribus necnon dicti domini Matthie regis per communes populos efundere patat et faciat, ut si in purgatorio fuerint a domino misericorditer eliberentur, et quod eaedem ambe partes in praemissis sese taliter obligassent, ut si futuri temporis in eventu praescripti fratres ultra praescriptas tres sessiones jobagionales ac tria loca praescriptarum trium piscinarum pro se habere vellent et exinde litis motionem facerent, quovismodo extunc iidem fratres ac ceteri successores fratres contra praefatum Nicolaum Bethlenii ac eiusdem heredes solum vigore prasentium mediante in amissione dictarum trium sessionum et trium piscinarum. E converso etiam si idem Nicolaus aut ipsius heredes et posteritates eosdem fratres aut dictos ceteros successores fratres de dominio ipsarum trium sessionum jobagionalium et trium piscinarum eicere et excludere contingerent, extunc idem Nicolaus et dicti eiusdem heredes et successores consimiliter in aestimationem earundem trium sessionum et trium piscinarum contra eosdem fratres convincerentur et convinci deberent ipso facto, hoc non praetermisso. Quod jobagiones dictorum fratrum in dictis sessionibus commorantes silvas praetacte possessionis Hethwr instar ceterorum jobagionum dicti Nicolai Bethlenii tam ad aedificia quam ad usum domus utantur, ligna tamen de ipsis silvis aliis vendere et ad forum portare non debeant. Ymo dedit donavitque et in perpetuam elemosinam contulit praescriptasque missas et alias orationes modo superius narrato celebrare promiserunt. Ad praemissaque idem Nicolaus Bethlenii se personali sua astantia dicti siquidem fratres uterque Gregorius se ipsos et dictos ceteros fratres ac totum conventum praescripti claustri beatae Mariae virginis similiter personalibus eorum astantiis sponte obligarunt coram nobis. In cuius rei memoriam firmitatemque perpetuam praesentes litteras nostras privilegiales pendentis et autentici sigilli nostri munimine roboratas duximus concedendas. Datum feria quinta proxima ante festum beati Johannis baptistae, anno domini millesimo quadringentesimo nonagesimo nono.

<fnzt>1) Vorlage: lcconum.</fnzt>